2011年10月26日 星期三

師公寶誕飯宴

























21-9-2011今晚去黃大仙新光食師公誕飯宴,會場延開17席有歌舞表演和舞獅表演。飲宴中段開始有競投,近來大家姐較多事煩擾,所以老公投左個$3880笑佛吊咀送比大家姐,希望大家姐遇上煩惱時便拿出來望望個笑佛,令自己可以開心啲!我見過笑佛咁靚,咪諗住影低相和大家分享!我影笫一張好曚,咪再影第二張又係曚,於是再影第三張都係曚,突然坐隔離的師傅叫我唔好影,開左光嘅玉係影唔到架!!!既然係咁咪食野囉!隔左一陣,攞部相機睇睇,我同老公都大嚇一驚,點解唔見左嗰3張相架?隔離師傅話:「嚿玉唔想比你影,你就唔好再影啦…」跟住阿哥投左個龍吐珠吊咀$4880,而老公就投左壓軸寶玉吊咀,經過多輪熱烈競投,最終老公以$13888投得心頭好!我都唔敢再同啲寶玉影相!食過寶誕飯全年開心健康,做生意鴻運當頭,事事順利,打工嘅長做長有,小人遠走……………師公還會保佑各人順風順水!

7 則留言:

  1. 最緊要開開心心 !
    [版主回覆10/27/2011 16:08:39]呢様最緊要!

    回覆刪除
  2. 最重要全部人健康和開心呀!
    [版主回覆10/27/2011 16:08:55]全對…

    回覆刪除
  3. 好神奇呀!
    [版主回覆10/27/2011 16:09:33]當其時我同老公都O晒嘴!

    回覆刪除
  4. 冇左3幅相........
    [版主回覆10/27/2011 16:10:04]無册除過………超神奇!

    回覆刪除
  5. 黑衫係咪你家姐
    [版主回覆10/28/2011 16:51:41]係呀!

    回覆刪除
  6. 好神奇呀 ~
    我諗佢一定可以保佑你家姐日日都開開心心~

    回覆刪除