2011年1月31日 星期一

賀年禮盒

     24-1-2011             







































幣啦!為左買呢堆禮盒攪到我隻左手腕又冤冤痛,又要搽藥膏止痛啦!!唉…點解年年我過年都咁頻撲架!


送禮鮑魚

  22-1-2011   












今日同老公去元朗「安記」買鮑魚送禮,今年入左1打紅燒網鮑,而鮑汁姬菇係送架!另外買左2罐X0醬黎炒蘿白糕,買左啲湯包比奶奶,埋單$3806!今年加埋幾日前買嘅參茸海味,足足洗左2萬有多,真係送禮送到我暈!!


2011年1月30日 星期日

晚餐

   20-1-2011    



今日兩個囡輪住報喜訊,大囡今次成績大有進步,有幾科仲係十名內高分,大囡開心到不得了!而細囡亦有超乎想像的分數給我驚喜!老公之前應承4月份帶兩個囡去台灣玩,絕對係值得!跟住老公打返黎話:「今年收數好順利,決定換車獎賞自己,詢問我可否批準…」我話:「當然可以啦!你係一家之主,你話點咪點囉!」老公即時話:「多謝老婆…多謝老婆…」識逢今日又係小虎1歲生日,係咪Lucky Day呢??


生菜扒花膠(細囡至愛)


蜜汁豆腐豬扒(兩個囡至愛)


煎三文魚(兩個囡至愛)


2011年1月29日 星期六

老虎仔蛋糕@

     20-1-2011   












今日係我寶貝狗「小虎」1歲生日!我尋晚上左神奇女俠屋企整左呢個蛋糕比小虎!足足有1個月無同師傅見面啦!彼此話題絡繹不絕,越傾越開心,話咁快就過左2個鐘!我希望小虎長命百歲,健健康康伴在我身邊,仲有精叻聰明,人見人愛,繼續…繼續做隻旺財狗,帶旺整個家,日日給我們更多歡欣和快樂!!!


2011年1月28日 星期五

晚餐

     19-1-2011



今晚提早6點半食飯,點解?因為一陣要上神奇女俠屋企學整蛋糕囉!!


叉燒炒瀨粉(全家至愛)


冬菜牛肉粥(自己至愛)


馬拉盞、芝麻糕、西米紅豆糕、雞屎籐(大囡至愛)


晚餐

     18-1-2011  









而家天氣日日都咁凍,我呢啲怕凍鬼無個暖水袋又點得呢?我地三母女晚晚都要一人攬住1隻瞓先好快進入夢鄉……


椰菜豆豉鯪魚(兩個囡至愛)


金蒜白菜仔(細囡至愛)


咸菜金菇牛柳(老公至愛)


花膠竹絲雞湯(自己至愛)


豬扒玉子豆腐蛋三文治

     18-1-2011   



又到下午茶時間,兼又清清雪櫃啲存貨!今日用左蜜糖包夾煎蛋、豬扒和煎香嘅玉子豆腐,再加千島醬上面,原來玉子豆腐夾包黎食好好味架!!再加包清熱麥芽薏米雪梨飲品,大囡猛話:「so good……」


2011年1月27日 星期四

花膠竹絲雞湯

     18-1-2011    



男人係咪特別懶護膚呢??我老公一年淨係護膚一季,因為冬天乾燥爆擦,皮膚繃緊,老公先肯乖乖每晚搽面霜,夏天就采你都傻,懶得就懶,激死我啦!!既然咁就唯有煲多啲湯水比老公滋補下!今次加左淮山、杞子、元肉、黨參、花膠、瘦肉和竹絲雞落去,啖湯好甜美呀!!


護膚品

18-1-2011  









我不嬲用護膚品平貴都用!以下面膜紙、眼膜紙和軟模粉都係係「天使嵐」訂架!!我用左呢隻面膜2年,超好用之餘仲超平$4.3-$4.7!係咪好抵呢??


晚餐

     17-1-2011      









呢隻多功能清潔膏之前係Sogo和一田有得買,一罐$88!而家無得買!老公特突出荃灣公司幫我買,開心死我啦!!我係一個極之乾淨嘅人,無左呢啲清潔膏我會好慘……


黑椒椰菜花炒牛柳絲(兩個囡至愛)


蜜糖豆炒獅子狗卷(老公至愛)


臘鴨肶(老公至愛)


菜甫炒蛋(大囡至愛)


蕃茄薯仔梭羅魚湯(細囡至愛)


2011年1月26日 星期三

蕃茄薯仔梭羅魚湯

     17-1-2011   



見街巿10蚊兜梭羅魚大大條仲有成6條咁多,就加啲蕃茄和薯仔落去煲,細囡不知幾鐘意飲……


巨峰提子蛋糕(附加食譜)

      16-1-2011   

16-1-2011今日係堂細佬威龍大婚之喜,在婚宴上見到佢成家立室,真是滿心歡喜!!當屏幕播放住佢地四兄弟妹的照片時,看見已離逝另一位堂細佬時,心裏頭不禁一酸,眼淚已不受控制默默地落下來,腦海裏勾起了許多許多片段,再加埋堂細佬上台致謝辭時狂放僱淚彈,我呢個眼淺鬼又落下開心和感慨的淚來。威龍,家姐在此祝你倆夫婦白頭到老、永結同心、早生貴子!!最緊要錫老婆,工作自然更上一層樓,事事順境!呢款蛋糕我加左係Sogo買嘅巨峰提子乾,食落果然美味,大囡勁喜歡食呀!!!!
巨峰提子蛋糕

材料:牛油70g、砂糖55g、蛋1、花奶55g

低筋麵粉110g、泡打粉3g、巨峰提子乾30g

做法:
1.
牛油和砂糖打至鬆白。

2.3次下蛋打勻。

3.篩入粉類拌勻,下花奶拌匀,再下巨峰提子亁拌勻。

4.倒入杯內至8成滿,180度焗15分鐘即成。


鳳爪排骨煲仔飯2

     16-1-2011    


兩個囡特別要求再黎煲仔飯,果然一次比一次進步!下次絕對可以整比老公嘆!!呢個煲可以煮到2嘜米,唔錯!


2011年1月25日 星期二

腐竹玉米糖水

      15-1-2011   






今日老公同兩個囡係波鞋街買鞋,老公買左4對,兩個囡各1對,埋單$3004!老公係買鞋其間比我炳鑊甘,老公無端端話:「我買1對得,你地買多幾對呀!」我即時厲住老公話:「你咪咁啦!成日孤寒自己仲乜鬼呀…」老公話:「我著乜都一樣,你地著好啲啦!」我話:「你樣樣衰衰唔駛旨意同我地一齊行呀??而家買唔買呀???」老公話:「買,買,買……點咁唔買呀!」呢個老公就係咁,永遠將最好嘅野比晒我地,自己就求求其其…………另外貪靚怪細囡買左呢5對boots,埋單$745!應該夠佢過年著呱!呢個囡著鞋極粗…呢款糖水加左新鮮粟米,入口特別爽甜多汁,大囡又連食2碗先收口……




2011年1月24日 星期一

乳酪蛋糕仔@(附加食譜)

      



15-1-2011我家小虎自從落過街街玩之後,而家成日吼人開門就衝落樓梯,今日老公返小虎又想偷走去玩!卒之比老公截住,返黎梗係要罰啦!罰佢坐定定唔准郁……呢款蛋糕仔外脆內軟,一啖一個,好食到大囡停唔到口………
乳酪蛋糕仔



材料:牛油70g、砂糖60g、蛋1、原味乳酪60g
雲呢拿油2滴、
低筋麵粉100g、泡打粉3g


做法:
1.
牛油和砂糖打至鬆白。


2.3次下蛋打勻,下雲呢拿油打匀。


3.篩入粉類拌勻,下乳酪拌匀。


4.倒入杯內至8成滿,180度焗15分鐘即成。


利是封







年年都要幫阿媽、阿哥、二個家個預埋利是封,今年就預左以下比佢地自己慢慢揀…應該都夠份呱…


2011年1月23日 星期日

送禮海味

     14-1-2011    



花膠$800(1斤)





雪蛤羔$1600(半斤)



     日本花姑$280(1斤)  





    瑤柱$830(1斤)    





中國冬菇$80(1斤) 瑤柱碎$400(1斤)





    川貝 $110(1両)





冬蟲草$2900(1両)





    花旗參$60(1両)





    淮山$95(1斤)





無花果$78(1磅)





  瑤柱碎$200(半斤) 紅螺頭$130(半斤)





    魚翅$2500(1斤)





   大蝦干$280 (1斤)大蝦米$90(1斤)





  鱷魚肉$450(1斤)





  白蓮子$50(1斤)





    竹笙$300(半斤)





腰果$78(1斤)








以下係我今年送禮參茸比人的貨品!今年啲海參漲價得好緊要,貴到飛起啲花膠、瑤柱貴得離譜。買到我好肉赤,不過唔買又唔得,年年送開,無辨法!總之今年條數就乸利啦!