2011年7月31日 星期日

蜜汁豬頸肉

    5-7-2011  



今日係中學派位結果日!細囡派穫第二志願!我都好滿意!希望細囡升上中學後會勤勤力力讀書,積極認真去學習,審愼結交朋友,做一個樂天開朗的女孩!!細囡派到心儀中學,當然要整啲食物鼓勵下細囡啦!就焗2塊蜜汁豬頸肉比細囡品嚐啦!細囡食完話:「好正!下次可唔可以焗多啲呀?」你咁棒場,媽咪應承你下次一定會加碼………


愛心禮物

     4-7-2011      



你個晞媽仲乜野次次都要禮上往來架!請左你食桂味同糯米糍,你又送番支天地壹号比我,你成日都客客氣氣,正一煩鬼………


2011年7月29日 星期五

結婚紀念日

4-7-2011




































今日係我同老公結婚15周年紀念日!當然係一如以往去返當年擺酒的酒家食飯啦!雖然酒家改了名,但各樣景物都能令我懷緬15年前今天的喜悦之情……時間過得真快,15的婚姻帶給我無限幸福快樂。多謝老公多年來的愛錫,讓我嘗到萬千寵愛的滋味,願我倆繼續甜蜜下去………


愛心手信

3-7-2011




老公伙計又拎左好多桂味同糯米糍比我!講真句,茘枝我最多食5粒就要收口,仲一定要浸左鹽水先可以食,如果貪食一定喉嚨痛見睇醫生………另外又拎左啲腐竹比我,咪睇啲腐竹奀奀瘦瘦,聞落不知幾香豆味!


晚餐

3-7-2011









今日帶左「小虎」去剪毛消暑,跟住梗係幫「小虎」入零食啦!


芥蘭臘腸(老公至愛)


魚肉釀豆卜(全家至愛)


蒜心炒土魷(老公至愛)


愛心禮物

     2-7-2011



神奇女俠知道晞媽想買乳酪機,即時慷慨地送左此部用過1次的乳酪機比晞媽!晞媽我唔介意做苦工比你攞,但唔該你快快多謝神奇女俠啦!!


2011年7月28日 星期四

馬騮仔結婚蛋糕

 2-7-2011   


今日又上左神奇女俠屋企學整蛋糕。今次呢個蛋糕係整黎慶祝我和老公結婚15周年紀念日!我覺得呢對公仔好可愛,兼且又似我倆咁鬼馬,色調配襯柔和,望落特別舒服寫意!構思係男著禮服打煲呔手著鮮花,女著婚紗頭有皇冠,上面散滿彩紙,想起都特別甜蜜溫馨。,希望老公會鐘意呢個蛋糕啦!


愛心禮物

     2-7-2011















晞媽今日帶埋阿女黎我屋企坐下傾下,點知個客氣鬼晞媽竟然送左個雞蛋模比我,仲焗左啲雲石蛋糕比我地品嚐,又買左啲布丁杯比我!唔止晞媽客氣,連佢個女都一樣咁客氣,送左啲自家製作嘅吊飾比我兩個囡…………你兩個女太…太…太客氣啦!無言感激!多謝…多謝…多謝…


五香玉丁熱狗包

2-7-2011   



我超級鐘意食五香玉丁。今日就加椰菜和五香玊丁黎夾熱狗包食,再加罐馬蹄爽,真係又美味又豐富。


晚餐

  1-7-2011



細囡呢排日日係咁煲電話粥,猛話:「就黎畢業好唔捨得啲同學,一諗起就好想喊…」」我話:「而家網絡資訊咁發達,既可係fd傾談,又可send短訊,彼此友誼一定可延續落去,唔駛擔心!!相比起媽咪以前,同學一改電話或搬屋,就會失去聯絡……」


西芹豬肉丸(老公至愛)


咖喱椰菜花牛肉(全家至愛)


菜甫豆角炒蛋(全家至愛)


2011年7月27日 星期三

芒果布甸3

       1-7-2011  












今朝細囡一瞓醒雙唇腫到好似孖潤腸,嚇死我!細問之下原來細囡係下唇生左粒巨大痱滋。大囡望住細囡就不停笑住話:「你唔係AngeIabady,係YoIandabady………」老公又不停取笑細囡話:「你個朱唇好吸引呀!」攪到細囡哭笑不得,痛到無厘心機,咁我就整啲芒果布甸氹氹佢…………大家睇下食完杯芒果布甸個嘴唇都消腫左啲!


桂花香蕉大菜糕

     30-6-2011




.


今日我地一家去左中學同學阿威姐夫間「湖南少奶」食飯!如果大家食得辣,不妨去幫襯,味道值得推介……食完辣野返到屋企梗要食番啲凍野啦!呢個大菜糕加左桂花糖,食落特別香甜!!


工聯會街頭素小食第2堂

30-6-2011












今堂學整素碗仔翅、咸薄罉和脆炸蕃薯!Miss成日都鬼咁風趣,晨早9點半就幫我地做面部運動,未食早餐已經笑到飽晒!先講個咸薄罉超易整又美味,個素碗仔翅草菇味好重,而個脆炸蕃薯就簡直係無得頂,外脆內軟,入口脆卜卜,好好味呀!另外,呢個涼拌大豆芽係Miss私人醒架!!!


謝師晚宴

      29-6-2011






    張副校    

   鄧老 師   
 


    葉老師、林老師



 









  陳老師





黃老師



    陳老師





朱老師



    黃老師



 


   文 Sir




















畢業禮完結就移思到「明星海鮮酒家」舉行謝師晚宴,校長、嘉賓、老師、家長和學生個個都載歌載舞,現場氣氛high爆,席間更播放着各同學在校內的片段,既開心又感人。今次晚宴係家教會承辦,我負責做司儀同抽獎環節,仲有為每個學生送上此隻有紀念價值的公仔,訂製呢隻公仔當中遇上好多煩惱和不快事,但當見到每個學生愛不釋手的樣子,所有辛苦都忘卻了!希望每個學生能將呢隻公仔擺係屋企當眼處,無時無刻都想起母校。11席人都在一片刻歡笑聲中共聚了一個歡欣的晚上………