2011年8月31日 星期三

蝦仁煎餅卷



 



 

我而家好似湊左個真BB咁!我家「小虎」越黎越痴身,一要瞓覺覺就不停抓我腳,又要我氹又要我哄先乖乖瞓覺。另外每晚臨瞓一定要咬披邊過下口癮先瞓覺豬!連老公都話我:「你有排煩啦!小虎好似貼身膏藥咁痴實你,你想得閒都難………」呢隻煎餅味道唔錯!我將蝦仁塗上千島醬,放上生菜和煎餅卷起來吃,真係好美味架!!!

 

 

晚餐



9-8-2011食飽飽就同老公落街燒街衣,七月節到每年求個安心……
XO醬炒椰菜(自己至愛)
魚香茄子(細囡至愛)
蕃茄紅衫魚(三父女至愛)

 

晚餐







8-8-2011我將啲苦瓜切到好薄片黎炒蛋,兩個囡不知幾鐘意食,仲嫌我煮得少,要求我下次要煮大碟啲!
翠玉瓜牛展(三父女至愛)
西蘭花蝦仁(兩個囡至愛)
苦瓜炒蛋(全家至愛)
粟米魚肚羹(三母女至愛)

清淡的午餐







8-8-2011細囡由今日開始返兩星期中學預備班,每日由8:50-3:35分。希望細囡能夠初中生活啦!大囡又約左同學去圖書館,得番我一丁友!就煲啲白粥,再加呢樽係潮州買嘅咸菜黎送粥,再加多碟魚肉燒賣,就成為我嘅午餐啦!

2011年8月30日 星期二

車厘子雪糕(附加食譜)





















7-8-2011呢個細囡一路睇韓劇「快樂的尋回犬」一路係咁喊,紙巾不離手,睇完全套劇喊到眼紅鼻紅!由此足以証明細囡係一個感性的女孩。為左令細囡開心番,馬上比車厘子雪糕佢品嚐,順度撫平一下佢情緒!用上新鮮車厘子製成嘅雪糕,真係好美味!晚上同細佬、Leo去左青森食飯………

車厘子雪糕

材料:牛奶80g、淡忌廉130g、蛋黃2

砂糖50g、車厘子茸80g

做法:
1.
蛋黃和砂糖打匀。

2.牛奶叮至微熱,倒入蛋糊內攪至糖溶,

3.淡忌廉打至7,倒入蛋糊內拌勻,加入車厘子茸拌匀。

4.倒入雪糕機內攪拌35分鐘即成。



韓式炒粉絲

     7-8-2011


 

細囡又生痱滋,我又捉左佢去睇中醫。醫師話細囡:「血燥火虛陰陽不協調,,發育階段會長高,但偏向橫,兼且會胸部發育緩慢,頭油多,背部和手臂皮膚不夠滑溜,個人亦容易發脾氣。」醫師促請細囡要在此發育階段好好調理身體,戒凍飲,戒食肉,戒酸辣、戒飲老火湯!!盡量只吃蔬菜類,清淡啲!」今日試炒呢包韓式粉絲,加左芽菜、青椒、甘荀、黃芽白、蛋絲絲落去炒,再灑上芝麻就食得!

 

沙律

  
6-8-2011天氣熱到郁一郁都成身大汗!今晚懶得煮飯,整左成大煲沙律做晚餐!材料:哈蜜瓜1大個、豐水梨4大個、薯仔3個、粟米2盒………大大兜,簡簡單單,老公仲話:「咁大煲,真係唔駛食飯都飽!!,
 

2011年8月29日 星期一

龍眼雪糕@(附加食譜)

     6-8-2011  



可惜!真係可惜!幫開「小虎」沖澡間狗鋪『壹間』因業主大幅加租被逼結業。彼此認識了年多,經常閒話家常,好似朋友一樣,真係有啲唔捨得!而家龍眼又甜又多汁,一於攞黎整雪糕!老公食完話:「龍眼味好重,兼有啖啖果肉,好味道!」

龍眼雪糕

材料:牛奶110g、淡忌廉160g、蛋黃2

砂糖50g、龍眼茸100g

做法:
1.
蛋黃和砂糖打匀。

2.牛奶叮至微熱,倒入蛋糊內攪至糖溶,

3.淡忌廉打至7,倒入蛋糊內拌勻,加入龍眼茸拌匀。

4.倒入雪糕機內攪拌35分鐘即成。


晚餐

    5-8-2011    






而家天氣熱到爆,去完街入屋竟然35度,你地話唔開冷氣點掂呀!夏天一到,想節約用電都幾難!


瑤柱蒸水蛋(大囡至愛)


梅菜肉絲炆節瓜(老公至愛)


蒜蓉豆角(細囡至愛)


護膚品

      5-8-2011    






呢輪成日唔夠瞓,攪到個黑眼圈好黑!今日拿拿聲去莎莎揾人求救,買左以下護膚品,埋單折實$1851,相熟售貨員送左以下辦給我………


晚餐

      4-8-2011  









諗住用竹笙黎煮絲瓜,一係櫃攞包竹笙出黎,不但變成了褐色,仲有陣酸臭味,激死我啦!五百七十蚊掉左落垃圾桶啦!


蒜蓉菜心苗(三母女至愛)


絲瓜蝦米肉碎(全家至愛)


清蒸黃腳鱲(三父女至愛)


蔬菜湯(自己至愛)


2011年8月28日 星期日

蔬菜湯

     4-8-2011



今日帶完兩個囡覆診牙,真係肉赤到連飯都食唔落!點解咁肉赤?咪就係兩個囡箍牙費用超出預算囉!之前明明話$60000搞掂!而家攪攪下已經比左$65000!仲話進展未如理想,大囡要箍多1年,細囡就要箍多半年,計埋條數過左$100000有多!再回想老公揾錢咁辛苦,而大囡又唔肯定時定後帶牙套,成日要人提先記得帶牙套,一諗到此就激氣、忟憎和肉赤!其實錢洗得其所,絕對無問題!唉……總之阿囡仲未領會到揾錢的艱辛啦!呢個湯用左6個蕃茄、半棵西芹、2個洋蔥、2個青椒、1條甘荀和2塊雞扒落去慢慢熬,啖湯超美味!


工聯會街頭素小食第7堂

4-8-2011  












今堂學整綠西米奶皇盞,教自家製奶皇餡,果然又香又滑,再配上綠色西米,賣相不止靚仲好好味!另外再學整大發糕,個個都笑晒口,好靚呀!跟住學整自家製涼粉,功夫都較為多,口感亦無街買般深色和爽口,但係加埋西米、士多啤梨、菠蘿、芒果、椰果和奇異果…等,再配上椰漿拌食,真係好正


蘋果芒大菜糕

4-8-2011



好野!瀏灠人數超越五十萬大關!又可以呃老公禮物啦!老公承諾我每過十萬人次就會送一份禮物獎賞我,全靠老公給此動力我,引發我創作更多美食與各位分享……呢款大菜糕用上蘋果芒,味道與呂宋芒確實不同,仲有連個核都有分別,大家睇下幾多坑紋!


2011年8月27日 星期六

鮮橙布甸

      3-8-2011   









兩個囡陪我行宜家,咁我當然要陪佢地行無印良品買文具啦!呢度埋單$632!呢款布甸用上鮮橙汁入口特別香,食落又有絲絲橙粒,真係好正呀!!!


宜家入貨

       3-8-2011    



























今日兩個囡陪我行宜家,買左以下用具!食完熱狗同雪糕,再去買以下食品!跟住去左河畔新潮軒打冷………