2011年11月30日 星期三

焗藍莓芝士蛋糕3





20-10-2011大囡今日超開心!因為中文測驗最高分,個儍女開心到不得了!既然咁叻女,就焗個芝士蛋糕黎獎勵下大囡啦!希望大囡會陸續報喜……講真我自己都越黎越鐘意食cheese cake!!

晚餐

 



20-10-2011話咁快又10月啦!我懶到仲未計好老公公司啲數,老公話:「幫幫手快啲搞掂埋佢啦!埋年啦!」既然老公開到聲,呢輪都係要勤勤力力幫老公計數先得!
西蘭花牛展(三母女至愛)
欖菜肉碎豆角(全家至愛)
香煎三文魚(三父女至愛)

保健茶





20-10-2011英姐介紹我買玖瑰花、茉莉花、荷葉和洛神花焗水飲,不止可消脂,還可潤腸、安神、解毒、去濕和養顏!今日我係新墟買左,順便買多套茶具$100就再送胎菊王、七彩菊和甜菊葉,三種一起冲泡可明目、養顏、潤肺和降血壓………而家年紀大,開始鐘意飲茶啦!

2011年11月29日 星期二

工聯會健康素食美點精選實習班第4堂













20-10-2011今堂學整奶皇香芒春卷,Miss教整嘅奶皇餡唔甜又唔漏,配上香甜芒果,食落外脆內軟,真係好好食呀!另外學整可樂芋絲春卷',真係要加可樂去炒餡料架!加上芋頭、芋絲、毛豆、粟米和素肉,咬落啖啖餡料,正!Miss怕我地食完熱氣,煲左個玖瑰馬蹄檸檬露比我地滋潤下,又係好正架!

晚餐**








19-10-2011今日老公陪我返東門整指甲,出門前預備定晚餐比兩個囡食!
粟米芝士腸蝦仁飯(兩個囡至愛)
蒜蓉扁豆(兩個囡至愛)
煎馬蹄糕(兩個囡至愛)

無豆砵仔糕




19-10-2011老公要求食無豆砵仔糕,咁就easy啦!唔駛烚豆,話咁快就有熱辣辣砵仔糘食啦!!

2011年11月28日 星期一

椰香蜜瓜布甸(附加食譜)




18-10-2011係街市見到有蜜瓜買,又捧左個返黎整布甸!加上香濃椰汁,再配上蜜瓜香,真係好正呀!!

蜜瓜鮮奶布甸

蜜瓜布甸材料: 淡忌廉230g、砂糖35g、蜜瓜奶230g、蜜瓜茸150g、魚膠粉8g

做法:
1.
魚膠粉加少許水攪勻備用。

2. 淡忌廉、 蜜瓜奶和砂糖用慢火煮至糖溶,

跟住下魚膠粉水攪勻,熄火。

3.待涼加入蜜瓜茸拌匀,倒進杯內雪至凝固即成。
椰汁布甸材料:淡忌廉120g、椰漿250g、砂糖35g、魚膠粉5g
做法:
1.
魚膠粉加少許水攪勻備用。

2. 淡忌廉、 椰漿和砂糖用慢火煮至糖溶,

跟住下魚膠粉水攪勻,熄火。

3.待涼倒入蜜瓜布甸上,雪至凝固即成。



晚餐




18-10-2011今日同大囡去南葵涌覆診,醫生再次叮囑坐姿要正確,希望大囡時刻緊記啦!
薯仔洋蔥肉碎(兩個囡至愛)
芥蘭臘腸(老公至愛)
清蒸細鱗(細囡至愛)

桂花馬蹄糕4








 

18-10-2011今日整左底馬蹄糕,煎香比兩個囡食,等佢地温書都温得入神啲………

 

叉燒蛋漢堡包@








 


18-10-2011英姐屋企滅蝨,所以一早就帶左阿囡黎我處暫避半日!呢隻傻妹一開心就標尿,老公比佢射到一腳都係,都唔知好笑定好嬲!一早醒左就整個漢堡包比自己嘆,加上叉燒、蕃茄、煎蛋,再唧上千島醬,再加罐芒果汁,就成為我嘅午餐啦!!



 

2011年11月27日 星期日

南瓜籽唧花曲奇(附加食譜)




17-10-2011呢款曲奇好鬆化,老公食完話:「好香…好好食…好味…好正…good…」跟住一個人掃晒16塊曲奇,你地就知有幾正啦!


唧花葵花籽曲奇



 材料: 金桶牛油125g糖粉65g、蛋半隻、低筋麵粉75g、粟粉45g、高筋麵粉45克、南瓜籽



 做法: 1. 將牛油和糖粉打至鬆軟。


         2. 加入蛋打匀。


         3. 篩入粉類拌匀, 放入唧袋唧出形狀,放上南瓜籽。


         4. 用170度15分鐘,放涼即成。



 


晚餐







17-10-2011今個星期開始無得睇電視啦!因為兩個囡要為測驗好好温習,我當然要以身作則,給一個寧靜的家為她們作好準備…………
黑椒牛扒(三父女至愛)
椰菜蟹柳(自己至愛)
節瓜扒瑤(全家至愛)
大豆芽蕃茄九棍魚肉片湯(老公至愛)

涼拌蟹柳冷麵







17-10-2011冷麵配簡簡單單嘅食材,再加上冷麵豉油吃,已經可令人胃口大開!

澧琮2歲生日會

 




































 











16-10-2011今日應阿Q邀請參加澧琮生日會!而我就整左個反斗車王送比壽星仔,個傻豬仔一見到開到係屋內四處走,仲不停話「閃…閃…閃…」又笑又跳,非常之興奮!見到個個食完都話:「好食…」花左咁多時間整都係值得!另外阿Q送左2支沙爹王XO辣椒醬比我!

2011年11月26日 星期六

10月同學BBQ聚會


















































 




 




























 


 













15-10-2011今日17個同學仔黎我屋企BBQ,再加我一家五口足足22人,我當然要買多啲食物招呼佢地啦!有生蠔3斤、花甲3斤、雜丸7磅、雞瀆70隻、芝士腸、香腸7包、司華力腸、豬頸肉8塊、金沙骨10條、娃娃菜2包、金菇6包、豬扒15塊、麵包3袋、牛扒18塊、粟米6條、煙肉2包、蕃薯12個、燒賣1磅、棉花糖…………還有同學濠哥帶來的三文魚,仲即場表演刀法,而其他同學仔就幫忙起骨,話咁快大家就有美味三文魚剌身食啦!大家熱熱鬧鬧聚在一起傾下食下,跟住就玩遊戲,唔知係咪玩得太激烈和投入,最終惹來警察叮囑要將音量收細,咁就轉移落樓下食我為大家準備嘅甜品啦!有:芒果大菜糕、木糠布甸、阿華田木糠布甸、砵仔糕……見住個個都爭住食,不消一會全部沽清,真係開心死我啦!怕大家BBQ完熱氣,就買左個特大西瓜黎比大家清一清熱…………同學仔招呼唔到,希望各人都係盡興而歸!!!