2011年12月31日 星期六

入貨


































23-11-2011今日同晞媽和左字廚房一齊去荃灣掃貨!呢間公司有大量矽膠模買,又抵又靚!我掃左以下工具,埋單$420!老板楊生超風趣,又計平我地!在現場見到好多bIog友,好開心見到你地呀!望住呢堆頭都痕埋,又要揾位安置佢地啦!

工聯會健康營養麵製作精選實習








23-11-2011今日同晞媽報左呢個綠茶麵條班,原來整麵條都幾好玩架!放上麵條機攪呀攪,話咁快就一條條麵條出黎啦!Miss將一半冷麵,加上甘荀、青瓜、中華沙律和芝麻,撈埋啲芝麻醬食,真係好好味呀!另一半我淥完加上五香玉丁拌食,大囡話:「好食…………」

晚餐


23-11-2011今日我同老公先去睇中醫調理下身體,跟住就去左剪頭髮,然後就拍拖去買餸………
咸魚茸芥蘭(老公至愛)
金蒜白菜仔(自己至愛)
梅菜蒸肉餅(大囡至愛)

晚餐


22-11-2011今朝9點收到細囡電話話:「媽咪,我好頭暈……又肚痛,我想番屋企呀!」我話:「你去醫療室抖下啦!你而家唔係小學生,唔可以郁下就返屋企架!你如果抖左陣都仲唔舒服就打比媽咪啦!」10點電話響起,細囡話:「我啱啱嘔完兼肚痾呀!我個肚好痛呀!媽咪你快啲黎接我啦」唉…我當初一口拒絕細囡,係怕細囡會唔會係無帶課本或無溫習書已詐病呢?究竟係咪我太多疑呢?但細囡真係一個好聰明兼好古惑的人………去到學校見到細囡個病容,睇完醫生確診係腸胃炎,自己真係好慚愧,竟然令細囡咁辛苦!
蠔油生菜(自己至愛)
蓮藕雲耳蝦仁(三母女至愛)
韮菜炒蛋(大囡至愛)

2011年12月30日 星期五

晚餐





21-11-2011係佳寶買左呢pat石斑塊,煎香後加豆辦醬炒炒,兩個囡不停話:「好食!」
西蘭花斑塊(全家至愛)
榨菜五香玉丁粉絲(自己至愛)
西芹炒牛展(大囡至愛)

士多啤梨忌廉杯






21-11-2011新墟仁愛堂擺左好多攤擋!我入左套鑊連鏟返黎$498!另外又買左set同珍調味料$120,連送理呢架車仔!呢款忌廉杯加上士多啤梨茸,入口好香好滑!

 

咖啡香蕉鴛鴦蛋糕


20-11-2011見有隻起晒梅花點嘅香蕉無人吼,一於攞黎整蛋糕!再配上 咖啡嘅香和香蕉嘅濃郁,真係好正!!

2011年12月29日 星期四

蜜柑雪糕(附加食譜)

 


19-11-2011唉…都唔知大囡諗乜,淨係緊張把頭髮,皮膚就一啲都唔理,塊面又嚡又多痛痛都唔care,激死人!呢款雪糕用左蜜柑汁和肉粒整,細囡激讚好好味!

蜜柑雪糕

材料:牛奶100g、淡忌廉120g、蛋黃2

砂糖45g、蜜柑汁50g、蜜柑粒4片

做法:
1.
蛋黃和砂糖打匀。

2.牛奶叮至微熱,倒入蛋糊內攪至糖溶,

3.淡忌廉打至7,倒入蛋糊內拌勻,加入蜜柑汁和蜜柑粒拌匀。

4.倒入雪糕機內攪拌35分鐘即成。



晚餐(附加食譜)





19--11-2011買左2pat未据嘅金沙骨返黎,加上叉燒醬和蜜糖,老公食到唧手指,猛話:「正……」
白汁粟米火腿意粉(全家至愛)
蜜汁焗金沙骨(老公至愛)
XO醬炒甜豆(三母女至愛)
炸魚柳(全家至愛)



蜜汁焗金沙骨


材料: 金沙骨、蜜糖1湯匙


醃料: 叉燒醬2湯匙、海鮮醬1湯匙、豉油和老抽各半茶匙
         
糖和紹酒各1茶匙
做法:1. 用醃料醃金沙骨隔夜。


         2.220度焗金沙骨30分鐘,


           每15分鐘反轉,跟住掃上蜜糖,

           再焗多5分鐘即成。


芝士咸牛肉酥@


 

 



19-11-2011點解我會養左隻古惑狗架?事緣我整完呢款芝士咸牛肉酥,就放係茶几攤凍。跟住就入廚房敎工人姐姐洗洗切切準備今晚晚餐!當我一出黎就見到「小虎」扒左係茶几前面瞓覺,我再望望茶几上的酥餅,吓!點解9塊淨得3塊架?我已經知係邊個所為,我即時扒下聞聞「小虎」個嘴,成大陣芝士味,隻衰仔仲係度扮瞓覺,無論我點叫佢,佢都扮到好攰唔騷我!你地話邊有狗咁古惑架?無陰公!攪到我得番3塊影相,正一衰仔黎架!

2011年12月28日 星期三

可可木糠布甸





18-11-2011今晚細囡學校家長茶聚,首次認識各科老師兼派發測驗成績表!細囡在沒有補習社幫助下,成績中上,我同老公都喜出望外!希望細囡加倍勤奮學習,為黎緊嘅考試作好準備…………見細囡咁醒,就整佢至愛嘅木糠布甸比佢嘆,我在餅內加上可可粉拌勻,細囡依舊食到笑哈哈…

愛心禮物





18-11-2011晞媽送左以下紙杯和小食比我,再次講多句「多謝晞媽」!

仁愛堂開心蛋糕甜品班第6堂
















 


18-11-2011今堂學整北海道牛奶包,呢個包包做法簡單,但就超美味!自己都忍唔住大啖大啖食!

愛心禮物





18-11-2011大姐夫送左此水晶給老公,多謝大姐夫為我個飾物櫃又增添一件水晶擺設!!

2011年12月27日 星期二

綠茶芝士蛋糕2


17-11-2011今日試用呢個六角星模整個cake送比晞媽,再係面上篩個好sweet嘅心心相印圖案,希望晞媽唔會嫌棄此蛋糕啦!

晚餐


17-11-2011真係比工人姐姐激死,洗衣粉無晒又唔出聲,攪到細囡問點解無洗運動服我先知!攪到要幫細囡寫手册,免得比老師責備!已經一肚氣!到食飯叫佢鋪枱布,工人姐姐話:「無晒!」我真係嬲到頭頂出煙!仲乜鬼啲野用晒又唔叫我買呢?工人姐姐最衰就係把口,成日都唔願開口講野!激死人啦!
小棠菜扒蛋白瑤柱(自己至愛)
椰菜粉絲魚片(細囡至愛)
豉椒豆卜蒸排骨(老公至愛)

入貨








17-11-2011今日帶晞媽去甜餅屋入貨,佢最抵買就係紙盒,呢度埋單$194!

工聯會素食美點精選實習班第8堂


 










17-11-2011今堂學整壽司,估唔到啲素魚生會咁似,兩個囡食完話:「啲魚生點解無味嘅?」你地就知真係有幾似!另外學整珊瑚草涼拌素魚翅鮑魚,一個又健康又美味的冷盤。跟住就學整麵豉湯,個湯底用上5斤大豆芽淆,啖湯正到痺,真係好好飲呀!Miss又比左啲大豆芽我地,我又攞左啲做涼拌!