2012年8月23日 星期四

晚餐







24-7-2012昨晚跳電製嘅問題,今日我和樓下陳生講,點知有人聲大夾惡話:「地方係我嘅,我鐘意點整都得!」我好聲好氣問陳生可否將道閘整入少少,人家即時諸多藉口,最終只肯比條鎖匙打發我。不過就叮囑我不能隨便入內,不能掂佢花園任何物品,講真如果不是跳電製,我絕對不會踏足一步!原本諗住息事寧人,點知一樓盧生不值佢所為,堅持要陳生拆左道閘,大家各執一詞,終於演變駡戰,而左鄰右厘嘅徐生、鄧生、謝生和尹太又加入戰團,而盧生就連番起腳踢道閘,終於門鎖都踼爛埋!係度住左13年大家不嬲都相安無事,但而家就住左個橫蠻無理、自私自利的人黎,真怕以後多多麻煩!白粥配咸蛋和菜甫,真係零舍野味!
白粥(三母女至愛)
魚片炒拉麵(全家至愛)
粟米煎墨魚餅(全家至愛)
煎餃子(全家至愛)

6 則留言:

  1. 我覺得現在香港人好似內地人好自私,所以,現在香港人無得救呀!
    [版主回覆08/24/2012 18:56:57]獨自覇佔地方,超級討厭!

    回覆刪除
  2. mabel
    -大家左鄰右厘,應互相尊重. 有咩壞,其實都會影響大家. 而且朝見晩見,嗌交就唔係太好啦!咁而家個電製fix 返好未呀?
    [版主回覆08/24/2012 18:59:03]陳生終於作出讓步,而家咪大家好囉!

    回覆刪除
  3. 多粥好正呀 , 好綿呢~
    [版主回覆08/24/2012 18:59:24]清腸胃

    回覆刪除
  4. 你兩個囡囡肯食白粥咁好ge,好多小朋友唔食無味嘅無料粥
    [版主回覆08/24/2012 19:07:33]佢兩個最好就係我煮乜佢地都食!

    回覆刪除
  5. 有時煮得飯多,都唔知整乜好,煲粥炒麵係個好選擇呀。
    [版主回覆08/24/2012 19:08:04]一星期一餐真不錯!

    回覆刪除
  6. ≈♥ Sara ♥≈星期五, 8月 24, 2012

    自私自利o既人 ... 我樓上都有一戶
    [版主回覆08/24/2012 19:08:29]煩煩煩………

    回覆刪除