2012年8月23日 星期四

晚餐





23-7-2012我和兩個囡冒着橫風橫雨送蛋糕比阿芳!當阿芳見到個蛋糕就話:「好靚呀!好靚呀!」跟住就連聲多謝和比封利是我!細望阿芳對腳超腫,而個肚亦好脹好脹,雙目無神,膚色暗啞,真係真係好擔心阿芳!看見面前的好友快將離我而去,真係好不捨得!以往勇敢不流淚的阿芳,今天竟流著淚和我說:「生不如死,每天都活得好痛苦,好想自剎了結一生………唔想再負累身邊人!」我立即勸阿芳勿諗儍事,係呢段日子你老公對你服侍周到,陪你行埋人生最後一段路,真係你嘅福氣,留個美好回憶給你老公和個仔啦!傾左個幾鐘怕阿芳攰,我地三母女只好離去,一落樓先知就快掛8號風球,急急忙係惠康買少少菜,即時飛的返歸!
腐乳通菜(全家至愛)
節瓜粉絲肉絲(三母女至愛)
煎荷包蛋(全家至愛)

4 則留言:

  1. 願主祝福她.
    [版主回覆08/23/2012 18:40:32]多謝

    回覆刪除
  2. 嘩!!!咁大碟荷包蛋,好耐未食過lur....珍惜好友,有時間多些見面吧
    [版主回覆08/23/2012 18:41:08]撈飯食正!知道………

    回覆刪除
  3. 阿芳有你呢個朋友, 都係佢的福氣! 人生的確, 總有點遺憾, 無奈或缺失, 但無法, 只好見招拆招, 努力面對才能對自己對家人負責任!
    [版主回覆08/23/2012 18:42:50]合時行樂,好好珍惜一切是最重要的!!!

    回覆刪除
  4. 希望亞芳堅强,祝福她!!!!
    [版主回覆08/23/2012 23:15:53]多謝小魚

    回覆刪除