2012年9月27日 星期四

台旅之旅-墾丁第2日

 





27-8-2012一早起床吃過早餐,就去左玩賽車,大人細路個個都玩得好開心!跟住就去左醫肚,食飽飽就出發去玩高卡車,正當各人玩至興高采烈之際,突然天雲色變,頓時橫風橫雨,各人都變晒落湯雞,順度去埋睇出火,兼食即烤農家雞蛋,無癮之下返回酒店!點知一開電視才知天秤返轉頭兼且速度超強,電視不停話墾丁明天會水浸。幾位男仕覺得有老有嫰,安全為上,決定損失呢晚酒店房租,盡快撤離墾丁,於是急急致電高雄揾酒店,而我為左緩和小朋友的心情,就同佢地玩7級豬輕鬆下心情!點知最開心嗰個係我………幸運地旅遊巴司機亦願夜深冒着14級風暴下載我地離開!司機叮囑各人要扣好安全帶,男士們一個都不敢瞓,金火眼幫司機睇路,因為途中好多斷樹和無街燈!戰戰競競2個鐘車程下終於安全抵達高雄啦!一落車即去左鼎王食麻辣火鍋醫肚,食飽飽就返回酒店!今晚我地就係住呢間酒店,租左4間相連房,幾個細路又係玩到顛晒!

9 則留言:

  1. ≈♥ Sara ♥≈星期四, 9月 27, 2012

    天秤真係一個好強勁o既風,好在你o地成功轉o左去高雄 ~
    [版主回覆09/27/2012 18:40:04]第二朝開新聞先知整個油站也比吹走……

    回覆刪除
  2. 嘩,睇見你寫都驚險呀,我當時看新聞都係話返轉頭,好在平安,小朋友們有冇受驚啊.
    [版主回覆09/28/2012 13:06:17]當時真係驚架!有陪玩點會驚呢!

    回覆刪除
  3. hanhan 太得閒星期五, 9月 28, 2012

    去旅行最怕就係打風 勁掃興 !
    [版主回覆09/28/2012 13:07:00]超無癮

    回覆刪除
  4. 好驚險呀!
    [版主回覆09/28/2012 13:07:17]嚇驚死

    回覆刪除
  5. 好在司機肯冒險車你地走咋!
    [版主回覆09/28/2012 13:07:59]係呀!所以比左好多貼士比佢!

    回覆刪除
  6. 你哋出發前我有留言俾你天秤返轉頭,唔知有無睇留言呀?好彩大家安全到埗高雄.
    [欣欣媽媽回覆09/28/2012 16:49:19]我都放心.
    [版主回覆09/28/2012 13:08:38]有!

    回覆刪除
  7. 好險呀!
    [版主回覆09/29/2012 20:09:50]未試過去旅行咁驚

    回覆刪除
  8. .mabel,
    -好彩旅遊巴司機肯開車,到達高雄. 你哋可以又再顛過,哈
    [版主回覆09/29/2012 20:10:25]真係非常之感激佢!

    回覆刪除
  9. 住到相連房真係開心架
    [版主回覆10/02/2012 17:15:11]又方便啲呢!

    回覆刪除