2012年9月22日 星期六

晚餐




 

18-8-2012條四腳蛇又出現啦!情急之下大囡提議我同佢前後包叉,而細囡就趴係地下留意住條四腳蛇行跡!我就攞本雜誌去篤條四腳蛇,點知一篤條四腳蛇竟然向橫跳走,正正走向細囡方向,細囡嚇得馬上舉起右手右腳,終可避過條四腳蛇,但轉瞬間細囡即時失重心整個向後翻,我同大囡望住先係好緊張,跟住就捧腹大笑,而細囡起來後就指住我話:「係咪想謀殺親囡呀?」跟往三母女齊齊係度喪笑!笑完三母女決定再同條四腳蛇搏鬥,分配好位置正想行事之際,我地三母女互望又忍唔住笑左出黎,呢次真係笑左好耐…好耐!大囡一本正經話:「唔好再笑啦!攪掂條四腳蛇啦!」今次先由我篤條四條腳,呢次大好機會啦!佢竟然沿牆上走,大囡即時用雜誌拍跌牠,正當條四腳蛇係地上彈下彈下之際,細囡即時將十多本雜誌拋下壓住條四腳蛇,我地三母女都唔敢執拾屍駭,唯有叫工人姐姐搞掂,點知姐姐一拎起啲雜誌即時彈後話:「驚驚………」終於在兩個囡苦苦央求下姐姐先肯善後……而家諗番起係笑多過驚………
西蘭花豆豉鯪魚(全家至愛)
白菜心炒肉片(老公至愛)
洋蔥蝦仁炒蛋(兩個囡至愛)

4 則留言:

  1. 呢d場面好溫馨又SWEET.所以,我覺得有一個好的家庭要同仔女溝通和關係好.先有一個開心和溫馨的家庭呀!
    [版主回覆09/23/2012 19:19:09]而家一講起三母女都係笑不停………

    回覆刪除
  2. 我一路睇都一路笑呀,又sweet又驚驚
    [版主回覆09/23/2012 19:19:37]真係笑到肚痛!

    回覆刪除
  3. 好齊心!
    [版主回覆09/23/2012 22:21:44]不過攪出笑料多多…

    回覆刪除
  4. 壁虎系益虫喎!唔驶追杀佢喎!其实佢仲惊通过你地惊佢。哈哈!

    回覆刪除