2012年9月23日 星期日

晚餐


 



20-8-2012好激氣!激氣到想剎人!咁大個囡從未試過係街同人鬧交!今日竟然遇到個瘟神!話說我同細囡出荃灣行街,入左1間買牛仔褲嘅鋪頭,企隔離個女人突然眼厲厲之餘仲摺摺聲,我無理佢依舊同細囡揀選牛仔褲,然後問老板娘攞尺幫細囡度腰,點知個女人又不停係度摺摺聲,我忍唔住摺番一聲,個女人即刻指住我大大聲話:「死八婆,摺乜摺呀?」我話:「邊個係死八婆呀?」個女人竟然話:「死臭X…」嘩!我聽到呢句火都黎,即時還擊話:「你話緊你呀?」個女人話:「臭X,你個X唔臭架?」我話:「咁你嗰個香架?」個女人話:「你個X又大又濶又臭…」我話:「嗰個咪係你囉!啲低俗低賤無教養嘅人先會講啲咁嘅說話……」個女人話:「你返屋企係個囡面前同你老公XX啦!」豈由此理呀!話埋我個囡呢次佛到有火,將我有生以來所識嘅粗口一一回敬佢,終於演變成駡戰,老板娘不停低聲同我講:「算啦!我一日就唔知見幾多呢啲客,你唔好同佢嘈啦!」我同老板娘講:「入得黎就預左幫襯,我唔係黎攪事架!」老板娘話:「邊啲係幫襯我一眼就睇得出,唔好為呢啲人咁勞氣!」我馬上叫老板娘拿條細碼褲比我,當我一拿出銀包比錢時,個顛女人又話:「臭X,扮X晒野…」我即時話:「買野唔雖然扮架!只要銀包有錢就得!」個女人又不停話:「八婆、死八婆、臭八婆……」我正想還擊之際細囡突然大大聲話:「喂!你鬧夠未呀?收聲啦!而家邊個唔啱呀?仲係度嘈…………」見細囡發火免惹事端,急急比錢走人!講真事後真係覺得自己好失禮,點解會沉唔住氣係街同人嘈交?仲要出埋粗口添!攪到自己成個潑婦咁,諗起都覺醜!講比老公知,老公竟然豎起手指公話:「你終於唔會再軟弱比人蝦啦!你終於學會發火還擊啦!」老公話:「如果我在場一定鬧到個顛婆甩肺…………………」其實我係一個係街比人撞到,會反過來先同人講對唔住的人!所以比我鬧得的,真係極品衰人黎架!
黃芽白粉絲五香玉丁(全家至愛)
釀豆卜(全家至愛)
瑤柱節瓜甫(細囡至愛)

13 則留言:

  1. 好明顯嗰個女人係傻嘅!有病就睇醫生喇!唔好遺臭人間.唔好為呢d賤人激氣,等我錫番妳
    [版主回覆09/23/2012 22:23:36]真係激到心口痛!

    回覆刪除
  2. 唔好同哩D人勞氣呵,而家有好多無品嘅人呀!
    [版主回覆09/24/2012 15:48:55]唉…遇到佢真係唔好彩!

    回覆刪除
  3. 講過界,粗口有性題材
    [版主回覆09/24/2012 13:19:45]係!越講越過份!

    回覆刪除
  4. 息怒,唔好為呢d事傷身。
    [版主回覆09/24/2012 13:19:37]真係好激氣!

    回覆刪除
  5. 比個癲婆咁鬧法佛都有火 ,係我都會同佢開火呀 !
    [版主回覆09/24/2012 13:21:24]不嬲忍功超好嘅我,都要破戒你就要個顛婆幾乞人憎!

    回覆刪除
  6. 個女人有病架,句句都係粗口,俾我一定鬧爆佢呀!
    [版主回覆09/24/2012 13:23:30]而家諗起都火滾!

    回覆刪除
  7. 有呢D情況,俾我一定鬧爆佢.
    [版主回覆09/24/2012 13:24:05]實在好到忍無可忍地步!

    回覆刪除
  8. 好好餸呀,我最鍾意食瑤柱節瓜架
    [版主回覆09/24/2012 13:24:39]me too…
    一定係痴線!
    [MOONmoon 如月回覆09/24/2012 08:25:43]條友係咪痴線架,無啦啦咁鬧人!

    回覆刪除
  9. 個女人係咪有病?
    甘得人驚!好怕呢d潑婦:(
    吾反擊點忍?!比著我都忍吾住!
    [版主回覆09/24/2012 13:27:22]幾十年嘅修為就比個潑婦攪到我當街駡人!

    回覆刪除
  10. 嗰個女人係咪精神有問題gar
    [版主回覆09/24/2012 15:48:13]應該係……

    回覆刪除
  11. 甘既女人都有架,無謂同佢嘈激親自己
    [版主回覆09/24/2012 21:05:44]都係沉唔住氣先激死人!

    回覆刪除
  12. 我撐你.......
    [版主回覆09/24/2012 21:06:08]yeah……多謝你!

    回覆刪除
  13. 三樣都good good!
    [版主回覆09/24/2012 21:59:23]咁就坐埋一齊食呀!!!!

    回覆刪除