2012年1月31日 星期二

焗棉花糖2


27-2-2011兩個姨甥又玩到依依不捨唔肯走,咁我唯有整啲小食氹下佢地開心啦!兩隻傻豬見到啲棉花糖脹起時,不停話:「阿姨,會唔會爆架?」跟住兩個金睛火眼昅實個焗爐,仲不停話:「脹啦!脹啦!發脹啦!食得未呀?」一出爐兩隻傻豬爭住食,仲猛話:「出面脆脆地,入面又軟又滑,好好味呀!」食飽又開心完當然要歸家啦!!

打邊爐




























































27-12-2011兩個姨甥最愛打邊爐,咁今晚就烚下烚下啦!買左以下食物:木耳水餃、雲吞、魷魚、蘿白、西洋菜、生菜、肥牛、烏冬、魚皮、魚腐、芝士腸、蟹柳、魚片頭、墨魚滑、蝦、粟米、金菇、粟子、芋頭、雜丸、支竹…………等,再加多支紅藍莓果汁,食到兩個姨甥猛話:「飽飽…」



 

士多啤梨乳酪慕絲杯
































































26-12-2011今日係boxing day!我帶左4隻馬騮去薩莉亞食Lunch,個意大利飯好正,真係值得一讚!跟住4個手拖手去睇花鼠明星俱樂部3,而我就獨自一人去左shopping,係間鋪頭試裙、試衫、試褸、試褲和試鞋,咁就消磨左過幾鐘,埋單$3260!兩大袋收穫!兩個姨甥仔超有風度,見到我拎兩大袋野,即時幫我手拎。!晚飯我地去左和亭食,食飽飽就返屋企食甜品!兩個姨甥不愛吃乳酪,我呢個阿姨又要駛出絕招黎氹佢地食!當兩個食晒整杯後,我先同佢地講有乳酪係入面,兩兄弟即時瞪大雙眼話:「吓!有乳酪架?」我話:「有又好,無又好,你都食左落肚啦!咁就証明你地唔抗拒乳酪啦!」yeah!yeah!我又得左啦!
,

2012年1月30日 星期一

藍莓益力多芝士杯3


































































25-12-2011今日係聖誕節!兩個姨甥尋夜玩到唔捨得走,卒之要留宿!一覺瞓來已2點多拿拿林換衫帶4隻嘩鬼去富臨飲下午茶!跟住晚飯就相約阿媽、阿哥、大家姐和二家姐去元朗大榮華食豬油撈飯,呢餐埋單$1173!食飽飽就回家吃芝士杯,兩個姨甥仔超抗佢藍莓,在我逐少逐少利誘下兩個姨甥開始軟化,終於肯淺嚐啦!哈哈……我又教曉佢地食芝士同藍莓啦!