2012年2月29日 星期三

仁愛堂開心糕點甜品班第2堂









 


10-2-2012今堂整雜果棉花糖蛋糕!呢個蛋糕步驟較繁復,不過味道又0K喎!完全估唔可用大菜糕淋上面做裝飾…………其實花時間和金錢去學野係值得架!真係學到好多技巧架!


 

 

晚餐


9-2-2012無陰公呀!一邊洗手轉圈一邊同細囡講野,竟然錯手將隻手指插左落鼻哥窿內,呀………好痛呀!眼淚水都標埋出黎,呀………仲流埋血添!呢次有排痛啦!都怪自己手指甲長累事!
生菜燒肉(老公至愛)
椰菜炒魚片(全家至愛)
X0醬蒸豆腐(全家至愛)

愛心禮物









9-2-2012多謝晞媽送左套靚靚叉匙、小食和自家製果醬比我,多謝晞媽………

2012年2月28日 星期二

士多啤梨朱古力


9-2-2012買左啲士多啤梨返黎,老公嫌酸酸地唔肯食!咁我就諗諗計仔,沾上朱古力漿,再灑上朱古力針,肯定甜晒!當老公一食就話:「咦!唔酸喎……」跟住老公話咁快就掃晒啲士多啤梨落肚!

入貨


 











































9-2-2012今日同晞媽去左甜餅屋入貨,買左以下盛惠$289!跟住帶左晞媽去隔離間夜冷店尋寶,我又買左以下物品,只須$170!係咪好抵呢?個篩粉類好大,好好用都係$45,膠刮$5,撻模$10,而支不銹鋼擦,啱晒我用黎洗燒烤爐,只係$25,雪糕勺$20,長膠刮$15,100款曲奇印模$50……老板娘仲送左把超好用嘅膠剪比我,真係抵到爛!買嗰時好開心,走嗰時就唔識笑,因為又係拎到我死死下!

 

 

工聯會街頭特式素小食實習班第4堂







9-2-2012今堂學整吉列素雞脾,估唔到用腐皮加竹蔗整個外形會咁似雞脾!跟住學整吉列素鰻魚,呢個只用紫菜和腐皮卷起,再上麵包糠炸,又香又脆又可口,真係好正!另外Miss又整左啲紫椰菜沙律比我地伴食,yummy!

晚餐






 








 

8-2-2012而家同大囡溝通關係越黎越差,究竟係反叛期影響,還是大囡已沒有以往般順從我,已令人有這感覺呢?在此要多謝大囡副班主任劉老師,知道大囡夜瞓,怕大囡睡眠質素差,安排社工接見大囡!希望大囡可聽取別人的說話,從而減輕壓力!啖粥超鮮甜,老公話:「超正!」
鮑魚雞粥(全家至愛)
五香玉丁炒鳥冬(三母女至愛)
蒸龍蝦燒賣(全家至愛)
煎豆苗豬肉餃(兩個囡至愛)

2012年2月27日 星期一

砂糖桔燉奶


8-2-2012天氣冷食熱辣辣燉奶最好不過!加上砂糖桔同吃,又滑又甜!

午餐肉粒炒飯@


 



8-2-2012天氣一凍,我家「小虎」至怕凍,整日都要人抱住,完全唔肯落地步行或玩!全家人都要輪流抱佢,正一麻煩鬼!呢個炒飯加上午餐肉、雜豆和蛋落去炒,不知幾野味!

藍莓大菜糕2



















































7-2-2012今年兩個囡總共收到508封利是,利是錢有$20850!一人分派了一千元,其餘全數入銀行做儲蓄!而我就派左$28810,年年都要倒貼!知道今年有利是封環保回收,我千叮萬囑兩個囡要小心拆利是,盡量不要撕破!細心留意啲利是封,原來各具特式架!我將利是封捐晒去仁愛堂,希望可幫助一些老人家。兩個囡拆呢堆利是足足拆了個半鐘,攪到成手金粉,就整個藍莓大菜糕比佢地食啦!既酸甜又爽口,正……………