2012年3月31日 星期六

兔仔蛋糕
















5-3-2012今日同神奇女俠一食Lunch,跟住就上神奇女俠屋企學整蛋糕!呢個蛋糕係整黎送比晞媽架!我在此祝願晞媽生日快樂、身體健康、青春美麗、老公的愛和錢全部奉獻給你,而晞晞就聽教聽話…………

涼拌雲耳(附加食譜)


4-3-2012我地全家人都好鐘意食雲耳架!呢個涼拌又辣又酸又爽,大囡超鐘意食!

涼拌雲耳



材料:雲耳40g、薑3(切絲)、辣椒2



調味料:鎮江醋和砂糖各2湯匙、辣椒豉油和麻油各1湯匙、魚露半湯匙



做法:



1.雲耳浸至浸身切去硬蒂。



2.將雲耳出水2分鐘,隔去水份放涼。



3.將調味料、薑絲和辣椒拌匀,加入雲耳入內即成。



*最的隔一天才吃,會更入味!





榛子燉奶




















































3-3-2012今晚去左『串』食鐡板燒,即燒即食,胃口特別好!食飽飽返到屋企,老公又話要食燉奶,咁就加榛子醬同燉啦!入口香濃且滑溜,老公邊食邊話:「人間極品,食完發夢都會笑……」呢個老公成日最叻攪爛gag………

2012年3月26日 星期一

2012年3月25日 星期日

仁愛堂開心糕點甜品班第5堂

 



2-3-2012今堂學整竹炭瑞士卷蛋,整卷蛋唔算難,只係卷時要有技巧。個卷蛋超鬆軟美味,正!另外學整凍雲尼拿梳乎厘,步驟超多,但係口感一流,又香又滑,一試難忘,yummy!

打邊爐





 









1-3-2012天氣依然寒冷,老公又要求烚下烚下,食物有:手切牛肉、波菜雲耳豬肉餃、雲吞、刀削麵、黃芽白、釀豆卜、粉絲、魚皮、粟米、雲耳、蟹棒……………食飽飽就食龜苓膏清清熱!
 

葡萄吐司(附加食譜)

 

 






1-3-2012終於都的起心肝攞部麵包機出黎玩!全程金晴火眼昅實部機,好彩無驚無險香噴噴吐司出爐啦!色水唔錯,試用呢個麵包架,發覺麻麻地好用!我覺得個吐司甜度唔夠,另外亦唔夠鬆軟,要再努力研究先得…………

葡萄吐司

設定 : 程式 1(白麵包程式) , 重量500 ,高度烘焙

材料 :水285g、高筋麵粉375g、砂糖35g、鹽5g、酵母4g
牛油30g、提子乾 150g(用水浸軟後榨乾, 榨出來的水可以用於上述材料中的水份, 令麵包更香甜及有更深的顏色)
做法:
1.順序放入材料攪動。
2.當發出聲響就加入牛油和提子乾入內。





工聯會街頭特式節日素小食實習班第7堂


1-3-2012今堂學整廣式蓮蓉月餅,原來個皮唔難整架!今年等我又試試自己整先得!回油5日食,老公話:「好香…好味!」

2012年3月24日 星期六

伯爵奶茶朱古力凍


29-2-2012哈哈…瀏灠人數過700000人次啦!又可以同老公攞禮物啦!為左慶祝我呢個電腦白痴一日比一日進步,就整個甜品獎勵下自己啦!底層係伯爵奶茶、面上係朱古力啫喱,正呀!

晚餐


29-2-2012二家姐又打算後香工再戰江湖,我地五兄姊弟又要集資啦!希望V2再創高峯、銷量高企、順風順水……………
欖菜肉碎豆角(全家至愛)
椰菜粉絲蝦米(三母女至愛)
蟹棒蒸水蛋(兩個囡至愛)

打邊爐



 

 













 



28-2-2012天氣突然又得番10度,老公又話要烚下烚下,買左以下食物:蒜茸魚皮、支竹、豆卜、蟹棒、冬瓜、香腸、栗子、蝦膠、魚片頭、魚棗、魚腐、寬粉、雜丸、白菜仔、雲吞、鯪魚肉、肥牛和火鍋三寶………另外煲左啲袪濕茶飲!