2012年4月30日 星期一

Barbie蛋糕


2-4-2012今晚上左神奇女俠屋企學整蛋糕!呢個蛋糕係整黎送比Ma Bom Bom個侄女架!見到佢寫左呢張紙條,想唔落力整都唔得,竟然用「英俊」和「美麗」黎形容我地兩公婆!希望小妹妹會鐘意此蛋糕啦!在此祝願小妹妹生日快樂、聰明伶俐、學業進步…………唯一美中不足就係個蛋糕盒,痴滿膠紙核核凸凸,因太高身,卒之要駁上3個蛋糕盒才能放得下蛋糕,下次都要入定啲高身盒返黎先得!

酸菜雜錦米線

 
2-4-2012懶蟲上身又唔願去街市買餸,唯有摷包酸菜調料和米線黎整,先講講包酸菜調料,又夠酸又夠辣,好正架!我再加包咸酸菜、芝士腸、支竹、豬肉丸、蟹柳、白菜仔、火腿和魚片頭落去,再加多杯凍檸茶,老公邊食邊冒汗話:「好正………夠晒香辣…」

愛心手信


1-4-2012大家姐去南岭公幹,買左啲特產手信比我試試,多謝大家姐的美意!

2012年4月29日 星期日

火腿薄餅卷








1-4-2012今日我地一行48人去昂坪拜祭阿爺,大家在一片歡快的氣氛下拜祭阿爺,跟住去左食山水豆腐花$13碗,但的確好滑好滑,完全超值抵食!晚上就係阿媽屋企打邊爐,食飽就返屋企排隊洗白白,點知老公又話肚仔餓,我就係冰格攞左呢包蒽油餅出黎煎香,再卷上火腿黎餵飽老公個肚仔…………

晚餐


30-3-2012分配手信頭赤赤,老公叫我上床瞓,今晚買外賣食!點知一覺瞓醒,原來老公係雪櫃左摷右摷,就決定親自下廚煮左餐簡單餸,值得一讚個煎荷包蛋,煎到起燶邊,正!
椰菜腊腸(全家至愛)
煎荷包蛋(全家至愛)
蒸咸魚(老公至愛)

2012年4月26日 星期四

沙巴之旅第五天

 

 




















































30-3-2012沙巴五日四夜旅程完結啦!今早7:30morning caII,不知是否最後一天,大胃王上身,早餐超好胃口,食完一碟又一碟,值得推介餐廳啲蛋糕和鬆餅好正!食飽就起程去買大虎蝦和雪條,本想買4隻庄嘅虎蝦,但係缺貨。唯有轉買6、7、8隻庄啦!而雪條我只買左榴櫣、香芋和紅豆味,牛油果千祈千祈唔好買呀!又苦又澀架!。到了機場就同團友們影相留念,而我地個沙巴導遊Sam哥幾靚仔架!完全無諗過半個喼去,會攪到再多三箱返,團友們個個都話我:「勁…」呢堆手信買左$1300馬幣。而手信中值得推介大家買有:可口魚酥、大虎蝦、雪條、甘香醬料、木薯片、榴櫣朱古力、雞肉乾、貓屎咖啡、蝦卷、珊瑚藻、蕃石榴糖、馬拉盞條、肉骨茶和拉茶……………返到屋企同老公分配手信都分到頭暈眼花,希望各位老友滿意我的手信啦!