2012年5月31日 星期四

羅漢齋炆米


7-5-2012上堂拉腸粉淨左啲羅漢齋,Miss比左我,我就加個米粉落去同煮,既健康又飽肚!

愛心禮物




7-5-2012晞媽送左呢張靚靚枱墊、好香嘅麥米、好味嘅朱古力和香脆嘅朱古力蛋卷比我,在此再次講多句『多謝晞媽』………

工聯會健康中西素食實習班第3堂









7-5-2012今堂學整拉腸粉,有素雞絲腸粉、羅漢齋腸粉、毛豆素牛肉腸粉和齋腸粉,全堂不停拉呀拉,粉皮厚薄隨意,真係好好玩!甜豉油都係Miss敎炒架!加上調味同吃,又滑又正!

2012年5月30日 星期三

煙肉腸卷串


6-5-2012我係街食串燒例牌食呢個煙肉腸卷串!今日自己郁手整,焗香後加上印尼沙爹醬同吃,真係好好味!

ⅩO醬午餐肉芋絲

 


6-5-2012今日加左Miss敎煮嘅ⅩO醬落去炒芋絲,只加入椰菜和午餐肉,已經好野味!

晚餐


 



4-5-2012早排我同老公買左納米藍光漂牙護理,今日就拖拉手一齊去銅鑼灣做,過程30分鐘,唔算辛苦,但就有點酸軟,做完明顯地牙色都有減褪!不過呢3日不能飲茶、咖啡、可樂、中藥、咖喱………我同老公兩個超低B,成晚一望見對方就依起棚牙問對方:「白唔白呀?」跟住就喪笑,兩個囡不停話我地兩個好無聊!
節瓜粉絲火腿蝦米(三母女至愛)
豉油雞(全家至愛)
尖椒炒魚片(老公至愛)

2012年5月29日 星期二

送給朋友的禮物


送給補習姐姐Mandy

送給細茵的生日禮物

送給神奇女俠的生日禮物

送給補習姐姐HeIen的生日禮物

送給詩琪的生日禮物

送給Carmen的生日禮物

送給大家姐的生日禮物
4-5-2012今日去左新蒲崗相熟間手袋鋪買左以下禮物送比朋友,埋單$4440!多謝售貨員姐姐次次都比折頭我!!希望各位老友收到鐘意啦!

送給晞媽的生日禮物


4-5-2012終於等到憶世通部麵包機返貨啦!終於可送比晞媽啦!希望呢部機能幫輕晞媽搓包嘅時間啦!

2012年5月28日 星期一

仁愛堂開心糕點烹飪班第4堂

 



4-5-2012今堂學整雞批,工序雖多,不過味道就真係very good,個皮又鬆又脆,正…………

薑醋


3-5-2012新興佬抱孫派左薑醋我地食,在此祝願BB快高長大,健健康康!

晚餐


3-5-2012今晚睇新聞透視知道政府醫生唔止On caII36小時,真係替佢地辛苦!
南乳蓮藕木耳炆豬肉(全家至愛)
清炒黃芽白(自己至愛)
豉汁帶子蒸豆腐(三母女至愛)

2012年5月25日 星期五

韶關我來啦!


各位bIog友我出門去番禺和韶關三日兩夜玩呀!返黎再同大家傾計………………

2012年5月24日 星期四

沙葛肉碎米包





3-5-2012之前係間越南鋪食個米包好好味!今日自己就炒香啲沙葛、冬菇、蒜茸、肉碎、蝦米和蔥粒,再包上米紙,蘸甜酸醬同吃,真係好美味呀!

桂花馬蹄糕(附加食譜)


2-5-2012奶奶鐘意食桂花糕,見雪櫃有袋馬蹄係度,漏夜即刻開工整桂花馬蹄糕比奶奶明天帶返深圳食!!今次用左呢個矽膠模黎整……………

桂花馬蹄糕

材料:桂花糖5g、馬蹄18粒、橄欖油5g

黃糖40g、冰糖410g、水1800g、馬蹄粉320g

做法:
1.
馬蹄去皮切片再切條。

2.馬蹄粉用800g水拌勻,用篩隔去雜質。

3.將1000g水加入桂花糖、冰糖、黃糖用細火煲至糖溶,

下馬蹄肉和橄欖油入內拌勻,下1/3馬蹄水入內拌匀至微杰,熄火。

4.再次拌入馬蹄水,攪至微微杰身,

倒入模內用大火蒸35分鐘即成。

 

 



愛心手信


2-5-2012奶奶又攞左啲家鄉手信比我地,有大姑媽自家醃製嘅肥大菜甫,另外有二表哥豆品廠出產嘅腐竹,還有好好味嘅酸豆角!

2012年5月23日 星期三

晚餐



2-5-2012奶奶下晝3點幾打黎話:「我而家係深圳搭車落黎………」好彩雪櫃有餸,如果唔係又要趕去街市買餸!
咖喱薯仔雞翼(全家至愛)
XO醬生菜(兩個囡至愛)
欖菜扁豆肉碎(全家至愛)
豉油煎魚扒(細囡至愛)
青紅蘿蔔粟米豬骨湯(全家至愛)

青紅蘿蔔粟米豬骨湯

2-5-2012自從中醫話我地一家唔適而飲咁多老火湯,我真係…真係…好少煲!但係今日經過街市又見到啲青紅蘿蔔好靚,又忍唔住買黎煲,呢個湯我地全家人都好鐘意飲!

忌廉洋蔥豬扒意粉

 

1-5-2012細囡一瞓醒就話喉嚨痛,我比左喉糖比食,一個鐘都無就嘔吐和發燒,嚇得我即刻帶佢睇醫生!返到屋企細囡話要食豬扒意粉,咁就開罐忌廉洋蔥湯再加個洋蔥落去,既香濃又美味,配埋意粉同吃,yummy!

2012年5月22日 星期二

工聯會健康中西素食實習班第2堂


 



31-4-2012今堂學整生炒糯米飯,飯帶煙韌,配料有多,口感超豐富!另外學整Ⅹ〇醬,估唔到無瑤柱和蝦米,入口依然夠香夠辣!還用左啲ⅩO醬炒蜜豆百合鮑片,好味呀!