2012年7月31日 星期二

椰香木瓜雪糕(附加食譜)


28-6-2012呢個雪糕又係整比奶奶品嚐架!奶奶平時都好鐘意食M記嘅雪糕!今次我將椰漿和木瓜溝埋一齊,,估唔到呢個配搭咁香濃,連老公都話:「好香…………」


椰香木瓜雪糕


材料:椰漿90g、淡忌廉160g、蛋黃2


砂糖50g、木瓜茸110g


做法:
1.
蛋黃和砂糖隔熱水打匀。
2.加入椰漿和木瓜茸入內拌匀。


3.淡忌廉打至7,倒入蛋糊內拌勻。

4.倒入雪糕機內攪拌35分鐘即成。




酸辣青瓜(附加食譜)





28-6-2012每次奶奶黎我都會整啲野食招呼奶奶,今次整左個酸辣青瓜,入口又酸又辣,奶奶一食完即刻叫我敎佢整!

酸辣青瓜


材料:青瓜3條、鹽2茶匙


調味:茄汁、豆辦醬和砂糖各2茶匙、喼汁和水各1湯匙、辣椒1


做法:


1. 青瓜擦淨外皮,切段用鹽醃15分鐘,洗淨印乾水。


2. 將調味拌匀成醬汁,把青瓜放入醃半日或一日即可食用。



合桃朱古力曲奇(附加食譜)



28-6-2012合桃都係奶奶至愛,加上朱古力粒,食落又香甜又鬆脆…………

合桃朱古力曲奇


材料: 牛油75g、砂糖50g、黃糖25g、雞蛋1隻、雲尼拿香油2


  低筋麵粉150g、鹽1g、梳打粉3g、合桃60g、朱古力粒40g


做法:


1. 牛油,砂糖、黃糖和鹽打至鬆發。


2.2次下蛋和雲呢拿油打匀。


3篩入粉類,加入合桃和朱古力粒拌匀。


4.搓成長方柱體雪至硬身,切片用180度焗15分鐘,放涼即成。


2012年7月30日 星期一

藍莓益力多雪糕(附加食譜)


27--6-2012而家日日間屋都好似火爐咁爐,原本5點半開冷氣都要提早兩個鐘開,肯定下個月電費條數實過3千!有乜野舒服得過開住冷氣食雪糕消暑呢???今次加入藍莓茸和益力多,大囡超Iike呢個味道!

藍莓益力多雪糕


材料:淡忌廉60g、蛋黃2


益力多2支、砂糖55g、藍莓茸60g


做法:
1.
蛋黃和砂糖隔熱水打匀,下益力多入內拌匀。


2.淡忌廉打至7,倒入蛋糊內拌勻,加入藍莓茸拌匀。


4.倒入雪糕機內攪拌35分鐘即成。


晚餐






27-6-2012天氣熱唔願出街買餸,今晚就食炒飯啦!係雪櫃左摷摷右摷摷,就用左以下材料炒飯,菜甫、魚片、火腿、粟米、蛋白、蟹柳、生菜、蝦仁和碎牛落去炒呀炒,三父女食完一碗又添一碗……有時唔需要大魚大肉都會好開胃!!
雜燴蛋白炒飯(全家至愛)
煎脆皮芝士腸(老公至愛)
煎蝦丸(兩個囡至愛)

雲呢拿吉士花生曲奇(附加食譜)



27-6-2012買左包花生碎返黎,好耐都無用!今日加落曲奇同焗,相信奶奶花生癡一定鐘意食…………

雲呢拿吉士花生曲奇


材料: 牛油60g、砂糖55g、雞蛋半隻、雲呢拿吉士粉20g、低筋麵粉75g
栗粉25g、、花生粒35g


做法:


1. 牛油和砂糖打至鬆發。


2.下蛋打匀。


3.篩入粉類拌匀成麵糰。


4.輾平壓印圖形,放上花生粒,180度焗15分鐘,放涼即成。



2012年7月29日 星期日

玉米果仁曲奇(附加食譜)


27-6-2012奶奶聽日黎,我便係要開爐整曲奇啦!呢款曲奇加入玉米粉,咬落特別香脆!


玉米果仁曲奇


材料: 牛油70g、砂糖60g、蛋半隻、粟粉20g


低筋麵粉85g、玉米粉45g、梳打粉3g、果仁55g


做法:


1. 牛油和砂糖打至鬆發。


2.2次下蛋打匀。


3篩入粉類拌匀,下玉米粉和果仁拌匀成麵糰。


4.分成13g一粒,微微壓平,180度焗15分鐘,放涼即成。


酸豆角肉粒糙米飯**


 

26-6-2012今日老公陪我返東門整指甲,出門前就整呢碟酸豆角肉粒糙米飯,辣辣地好開胃!再加碟清甜嘅哈蜜瓜,兩個囡依舊食得津津有味! 

椰汁香蕉糕(附加食譜)


25-6-2012兩個囡終於考完試啦!我終於唔使捱夜陪佢地啦!呢輪係咁捱夜,攪到我啲黑眼圈、眼袋、眼紋乜都走晒出黎!阿女,你阿媽我唔係後生女,無咁多精力再捱啦!拜託兩位小姐平時勤勤力力溫書,唔好成日臨急抱佛腳啦!呢款香蕉糕入口有濃濃香蕉和椰香味,大囡超級鐘意食…………


椰汁香蕉糕


材料:魚膠粉 1 湯匙、砂糖 45g熱滾水 220ml


       170ml、椰漿 110ml檸檬汁1g、椰子香油 2


        香蕉蓉 2(200ml)


做法:


1.香蕉蓉、鮮奶、椰漿、椰子香油、檸檬汁放進攪拌器內攪勻。


2.將熱滾水、魚膠粉和砂糖攪至全溶,隔篩,


  再倒香蕉椰奶入內拌勻, 放涼倒入盆,


  2小時至凝固即成。


2012年7月28日 星期六

晚餐(附加食譜)

 





 


25-6-2012之前買左包三文魚頭和廣島蠔擺左係冰格好耐,今日就拎出黎煮啦!個三文魚頭三父女激讚,夠晒肉地之餘,仲好入味!廣島蠔上次買明明好大隻,今次得兩隻大,攪到兩個囡好失望,猛話:「唔夠喉……………」
粟米雞柳意粉(全家至愛)
鹽焗三文魚頭(三父女至愛)
香蔥廣島蠔(三父女至愛)
煎白菜豬肉餃子(三母女至愛)


香葱廣島蠔


材料: 急凍日本廣島蠔1 、薑3幾片 、葱1
調味: 蠔油、糖、水一湯匙
做法:


1. 廣島蠔解凍,洗淨,加入生粉和鹽醃一醃,


    再用水沖洗乾淨,抹乾,加入鹽和胡椒粉醃片刻待用
2.燒紅鑊略煎廣島蠔兩面金黃備用。
3.燒紅鑊先爆炒薑片至香,再下廣島蠔入內略炒
,
   
贊酒,將調味料拌匀加入炒香,


   再加入葱段快手炒,即可上碟


綠茶木糠布甸(附加食譜)


24-6-2012唔知仲乜個人總係悶悶不樂,唔多願郁!大囡今日央求我整敎佢整木糠布甸,在我從旁指導下整左以下數杯!大囡沾沾自喜話:「都見得下人呀!應該有70分…」老實講,真係OK架!今次加左綠茶油落去啲cream度,雖然顔色唔太突出,但食落好有綠茶味,我諗下次要重手少少先得!

綠茶木糠布甸


材料:餅碎180g、煉奶100g、淡忌廉480g、綠茶香油3滴


做法:
 1.淡忌廉打至企身,下煉奶和綠茶香油入內打至軟滑,放入唧袋內。


2.底層先舖上餅碎,唧上忌廉,再放餅碎,再唧忌廉,


   重覆此動作至滿身,冷藏3小時即可食用。


ⅩO醬辣椒肉碎通心米粉

 





24-6-2012今晚老公個客請食飯,所以老公唔返黎食!天氣又熱又焗,就煮個通心米粉食就算,加左呢支野味XO辣椒和肉碎落去炒,既簡單又開胃!再加多碟消暑冰涼西瓜,食完爽晒!!!!!

2012年7月26日 星期四

工人姐姐阿Li的生日










23-6-2012今日係端午節,兼且又係工人姐姐阿Li的生日!當然要同佢慶祝下啦!我祝願阿Li係香港工作愉快,講野發音正確,不要再繼續亂放笑料,最緊要係開開心心……………

晚餐






22-6-2012原以為自己睇清別人的陰謀,就可淡忘不快事!現在才知道自己徹徹實實係弱者,係呢幾日裏我完全失眠,眼淚流不停,攪到自己眼腫鼻腫,攪到老公心情差透,最幣係影響埋兩個囡都跟埋我一齊失控地喊………點解我做唔到振作起來?點解將自己嘅情緒影響埋身邊嘅人?究竟我幾時先可以忘記此傷痛?
褢蒸糭(三母女至
粟米甘荀牛肉粥(全家至
XO醬撈鮑魚麵(兩個囡至愛
煎釀虎皮尖椒(老公至愛

晚餐


 




21-6-2012好感動!完全無諗過做私有化的決定,會得到各位bIog友的留言支持和鼓勵!令我非常感恩能在此平台認識大家,雖然每日只是隔空對話,彼此素未謀面,但我們懂得關懷對方………就是這份少少凝聚力能令我變得樂觀堅強去面對任何事!在往後的日子裏,我會努力製作更多美食,為我的生活添加無限快樂!
椰菜粉絲火腿(三母囡至愛
蒜蓉豆豉雞(全家至愛)
豆角炒蛋(三母囡至愛)