2012年8月26日 星期日

我出發去台灣啦!


各位bIog友我今日起程去台灣五日四夜之旅!返黎再探各位bIog友!

椰香班蘭雪糕(附加食譜)





27-7-2012哈哈…瀏灠人數九十萬人次啦!又可向老公申請禮物啦!既然要人家付出,當然要比啲甜頭人地啦!就整個班蘭椰香雪糕,用上新鮮班蘭葉嘅汁,再加班蘭油和椰子油落去,真係好香濃!老公食完話:「好香…好滑……你咁叻又過十萬人次,送禮物比你絕對值得!!」哈哈…我又得逞啦!!

椰香班蘭雪糕


材料:牛奶90g、淡忌廉140g、蛋黃2隻、班蘭汁20g


班蘭油5g、椰子油10g、砂糖60g


做法:
1.
蛋黃和砂糖坐熱水打匀。


2.牛奶叮至微熱,倒入蛋糊內拌匀,再加入班蘭汁、班蘭油和椰子油入內拌匀。


3.淡忌廉打至7,倒入蛋糊內拌勻。


4.倒入雪糕機內攪拌35分鐘即成。


2012年8月25日 星期六

仁愛堂開心麵包糕點班第2堂









27-7-2012今堂學整天鵝泡芙,唔算難整,自己砌身形,下圖係Miss作品,,上圖我嘅作品,味道方面當然梗係good啦!!淨左啲麵糰係度,Miss教埋我地整沙翁,但因為麵糰不是太多,所以Miss敎唧為長條形,趁熱滾上玉桂糖,真係好好味呀!

茘枝涼粉


26-7-2012老公又愛吃涼粉又愛吃荔枝,我就一次滿足晒佢個胃!加入黃糖水和花奶就食得啦!我嫲嫲敎加一茶匙薑汁入內同吃,無咁寒涼架!!

2012年8月24日 星期五

晚餐





26-7-2012之前係自家煮魚食左個酸菜魚好好味!今日就試下自己整,加入酸菜、金菇、芽菜、黃花魚、支竹、豆卜和雲耳,再加胡椒粒、薑片和魚湯寶落去煮,條魚入味之餘,個汁都好正!三父女邊食邊豎起手指公話:「好正……………」

栗子餅




26-7-2012樓下嘅徐太,今日帶左我同兩個囡去佢間新屋參觀,屋苑好靚,環滰清優,價錢亦合理,唯一係交通差少少!徐太極力推介我買此屋苑,仲話:「好想繼續和我做鄰居…」講真我地三母女都好鐘意,今晚真係要同老公好好商量下先得!呢個少吃既易整又好味,只需係餅上放上栗子,再唧上栗子茸,再放上栗子,灑上糖霜,就已經好美味啦!

晚餐





25-7-2012今日帶左兩個囡去bIog友阿Ming介紹嘅牙醫跟進箍牙嘅問題和收貿!黃醫生有耐性,詳細講解,而且價錢合理!非常多謝黃醫生願意幫大囡執手尾,為期半年收費$8000……如果想有更理想進度,療程$28000包照Ⅹ光、做牙模、牙套和覆診費在內,還可分期付款……今日兩個囡覆診費係$100,此收費真的好…便宜!諗起15個月以來總共比鄧醫生呃左$102000,諗起既激氣又心痛,大囡還未完成已經用上此金錢,真係好肉赤!鄧麗瓊醫生你太無醫得啦!乜都係錢錢錢…照X光$3000,做牙模$6000,牙套$5000,覆診$1000……我比你劏到一頸血,真係諗起就火滾!!!在此要再次向阿Ming講:「thank you very much……………」多謝你的熱衷和熱心,終於讓我遇到一位好醫生,真係要再講多句:「唔該晒…」
芽菜豆角回鍋肉(全家至愛)
金蒜小棠菜(自己至愛)
涼瓜煎蛋(全家至愛)

2012年8月23日 星期四

花生芝士麻糬

 




25-7-2012買左包預拌粉返黎好耐,今日就加花生粒和芝士落去焗,一出爐大囡已吃過不停,猛

晚餐







24-7-2012昨晚跳電製嘅問題,今日我和樓下陳生講,點知有人聲大夾惡話:「地方係我嘅,我鐘意點整都得!」我好聲好氣問陳生可否將道閘整入少少,人家即時諸多藉口,最終只肯比條鎖匙打發我。不過就叮囑我不能隨便入內,不能掂佢花園任何物品,講真如果不是跳電製,我絕對不會踏足一步!原本諗住息事寧人,點知一樓盧生不值佢所為,堅持要陳生拆左道閘,大家各執一詞,終於演變駡戰,而左鄰右厘嘅徐生、鄧生、謝生和尹太又加入戰團,而盧生就連番起腳踢道閘,終於門鎖都踼爛埋!係度住左13年大家不嬲都相安無事,但而家就住左個橫蠻無理、自私自利的人黎,真怕以後多多麻煩!白粥配咸蛋和菜甫,真係零舍野味!
白粥(三母女至愛)
魚片炒拉麵(全家至愛)
粟米煎墨魚餅(全家至愛)
煎餃子(全家至愛)

扎肉饅頭






24-7-2012尋晚個10號風球超勁,成晚啲窗門呯呯啪啪唔在講,最慘係半夜跳電製,攪到老公漏夜摸黑落樓整,全家總動員幫忙,最幣係地下新搬來的竟然係電錶箱外裝上鐵閘,還要上左鎖,攪到老公橫風橫雨之下擒牆入內,真係驚險萬分兼狠狽不堪!一夜過後我露台個蓬要報銷,對面屋個電線架吹到搖搖欲墜!老公一早起來等落3號風球,我就整左呢個扎肉饅頭比老公食,只加入扎肉、青瓜和再塗上海鮮醬,已經好美味啦!再加多杯火龍果汁,就夠晒健康啦!

晚餐





23-7-2012我和兩個囡冒着橫風橫雨送蛋糕比阿芳!當阿芳見到個蛋糕就話:「好靚呀!好靚呀!」跟住就連聲多謝和比封利是我!細望阿芳對腳超腫,而個肚亦好脹好脹,雙目無神,膚色暗啞,真係真係好擔心阿芳!看見面前的好友快將離我而去,真係好不捨得!以往勇敢不流淚的阿芳,今天竟流著淚和我說:「生不如死,每天都活得好痛苦,好想自剎了結一生………唔想再負累身邊人!」我立即勸阿芳勿諗儍事,係呢段日子你老公對你服侍周到,陪你行埋人生最後一段路,真係你嘅福氣,留個美好回憶給你老公和個仔啦!傾左個幾鐘怕阿芳攰,我地三母女只好離去,一落樓先知就快掛8號風球,急急忙係惠康買少少菜,即時飛的返歸!
腐乳通菜(全家至愛)
節瓜粉絲肉絲(三母女至愛)
煎荷包蛋(全家至愛)

2012年8月22日 星期三

多啦A夢蛋糕


23-7-2012今日又上左神奇女俠屋企學整蛋糕!呢個蛋糕係整比阿芳架!整呢個蛋糕真係百禁交集,深知呢次係最後一次為阿芳整蛋糕,雖然知阿芳食慾大減,但我知阿芳見到此蛋糕一定會好開心…好開心!因為阿芳係多啦A夢迷,屋企收藏了數之不盡的多啦A夢公仔!!這一年裏看見阿芳不斷同癌魔搏鬥,奮勇抗戰得疲累不堪,見着阿芳身體逐漸消瘦和虛弱,我很想藉此蛋糕令阿芳面露笑容,暫時忘卻痛楚……………

書展















22-7-2012今日同兩個囡去左逛書展,行左5粒鐘,對腳又痠又痛,今年竟得以下收穫,真係有少少白行一趟!我捧場買左美味娘娘本書,送左好多贈品呀!又攰又肚餓就去左「自家煮意」開餐!個酸菜魚超級正同野味!