2012年11月30日 星期五

晚餐@

 


6-11-2012阿囡雙眼盲左,整日盲中中亂碰亂撞,成日踩到撞到「小虎」,就係咁又爆發大戰!「小虎」發爛渣咬阿囡大脾……………為怕發生血案,只好採取人釘狗措施,我同工人姐姐一人看一隻!講真「小虎」口細牙尖咬阿囡都未必流血,但阿囡口大牙利,如果咬到「小虎」就肯定不堪設想!
Ⅹ〇醬花生玉子豆腐(自己至愛)
椰菜魚腐(全家至愛)
蕃茄牛柳絲(細囡至愛)

鮮橙凍(附加食譜)


6-11-2012呢個甜品揸汁揸到我仔手軟!好彩出黎成品都好好味!

鮮橙凍



材料:橙汁300g、魚膠粉8g、熱水100g、砂糖35g



做法:



1.    將橙洗淨切半揸汁,橙殼留起備用。



2.    將魚膠粉和砂糖拌匀後,加入熱水拌匀,隔篩。



3.    將橙汁加入拌匀,放涼倒進橙殼內,雪至凝固即成。



 





晚餐@

 
 
5-11-2012英姐屋企有白蟻要裝修,又委託我幫忙照顧阿囡!「小虎」唔知係咪唔鐘意比阿囡霸佔地方,竟然展開閉食行動,比乜佢食都擰轉面,乜都唔肯定!還擺出一副楚楚可憐的模樣…………
梅菜肉碎茄子(
豆角芝士腸煎蛋餅(
清蒸紅鮋

2012年11月29日 星期四

心形玖瑰蛋糕


5-11-2012今日一早又上左神奇女俠屋企學整蛋糕!呢個蛋糕係整黎送比大家姐老細曾太架!家姐話曾太好恨收花,但她老公偏偏唔識做從來一支都未送過!既然係咁我就整心形玖瑰蛋糕送比曾太啦!呢個蛋糕我比自己80分,還有好多地方要努力改進!在此祝願曾太身體健康、生意興隆、青春常駐………最緊要係年年過薪比大家姐!!!整完蛋糕我同神奇女俠去左「金滿軒」食Lunch……………

香蔥煎餅(附加食譜)
















4-11-2012今晚一行24人去左流浮山「彩鳳」食海鮮!去得流浮山老公又點會放過買咸魚嘅機會呢?講真流浮山海鮮的確新鮮,但相對價錢一啲都唔便宜!食飽返到屋企半個鐘都無,老公又嗌肚餓,我就煎左個香蔥煎餅比老公食!近來老公頻頻食宵夜,個肚腩即時突晒出黎,醜怪到死!

香蔥煎餅


材料:中筋麵粉200g、雞蛋3隻、蔥粒80g(切碎)


調味:150g、鹽2茶匙、雞粉1茶匙半、糖少許


做法:


1.蔥洗淨切碎   


2. 打匀雞蛋,加入麵粉、蔥粒和調味拌匀,靜置20分鐘。


3. 用中火燒熱平底鑊,掃上油,倒下麵糊煎至起泡泡,


反轉再煎另一面至金黃,即成。



雜錦炒飯


4-11-2012今晚我同老公要去流浮山食海鮮,出門前炒左個多料雜錦飯,再加香蕉和蜜棗比兩個囡醫肚,我同老公又拖拉手出街啦!

2012年11月28日 星期三

咖喱牛腩煙斗粉**


 















3-11-2012大囡今日又陪我返東門整指甲!出門前整左個咖喱牛腩煙斗粉,再加多杯凍檸檬茶和富有杮比細囡食。就輪到我同大囡返大陸瘋狂食食食……………