2013年11月27日 星期三

薑汁年糕(附加食譜)

 
 
 
 
 
 
4-10-2013昨夜突然又喉嚨痛又頭暈又忽冷忽熱,上床瞓一陣,越瞓越辛苦,急忙叫老公入房,老公一模我額頭就話:「好慶…發燒…」馬上同我去浸會睇醫生,一探熱已39.9度發高燒,姑娘即刻幫我貼退熱貼,經醫生診治係嚴重扁桃線發炎,因為我本身有藥物敏感,故此不能打消炎針,只能食抗生素治療,回家食完藥周身骨痛,好唔舒服,半夜仲上吐下瀉兼全身標冷汗和狂手震,嚇到老公成晚唔敢瞓陪住我!好彩今日起床已無咁辛苦,急急麻煩老公幫忙秤分量和攪粉,呢底薑汁年糕先能夠順利完成!點解病都要開工?咪就係今晚要起程返博羅拜山囉!之前應承左叔仔整薑汁年糕比佢品嚐,我唔想令人失望,辛苦都要頂硬上!
 
 
薑汁年糕

材料:糯米粉 160g粘米粉20g、澄麵 30g

180g片糖 150g、薑汁10g、橄欖油半湯匙

做法:

1. 片糖加水用細火至糖,放涼備用。

2.
粉類混合後,加入糖水拌勻至無粉粒。

3.
將粉漿過篩2,然後加入薑汁和橄欖油拌勻。

4.
倒入已抹油的盆內中火蒸1小時至熟透即成。
 


4 則留言: