2013年1月31日 星期四

粟米煎餅@(附加食譜)


 



7-1-2013老公呢輪好攰,鼻鼾聲嘈到拆天,攪到我成晚無覺好瞓!原以為自己一個失眠眼光光等天光!點知埀頭一望「小虎」都眼光光望實我,我還有個耳塞阻隔一下啲討厭聲響,難為小虎要硬食,唔怪之得隻儍豬日頭成日都要揾周公啦!既然瞓唔著,就起身整粟米煎餅比兩個囡做早餐!

粟米煎餅


材料﹕粟米粒125g、雞蛋2隻、自發粉1湯匙、麵粉115g
牛奶115g、葱花一湯匙鹽和油各1 茶匙、黑胡椒少少
做法﹕
1.自發粉和麵過篩,加入牛奶和雞蛋拌匀,


 再加入鹽、黑胡椒碎和油入內拌匀,隔篩,


 再加入粟米粒和蔥粒,靜置30分鐘備用。


2.燒熱平底鑊,下油倒入粉漿煎至起泡,
  
反轉再煎至金黃即成。


栗子糊(附加食譜)























6-1-2013今晚老公陪我去吉之島買床單4套盛惠$2824!跟住去左吉之島超市買外賣返屋企食,一枱都係見到都興奮。食飽飽就到甜品-栗子糊出場,天氣寒冷食完成身暖晒!

栗子糊



材料:栗子 1磅半、冰糖、水1300g、粘米粉 30g


做法:


1.將栗子放入熱水中,水滾後熄火,


   用毛巾搓一搓就容易去栗子衣。


2.1300g水加入栗子煲至滾轉細火煲30分鐘,


  熄火後再焗多栗子30分鐘,取出放涼,放入攪拌機內攪成漿,


  隔篩3次。


3.將栗子漿和冰糖煲至糖溶,即加入粘米粉水煲滾即成。


芒果拿破崙(附加食譜)

 


6-1-2013之前係百佳買左呢包現成酥皮餅!今日就加入芒果粒和吉士忌廉入內,三母女食到停唔到口!

芒果拿破崙


吉士忌廉材料:淡忌廉(打起)60g牛奶225g、牛油30g
即溶吉士粉35g、砂糖60g、蛋黃1



做法:


1. 吉士粉、和砂糖拌勻,加入蛋黃和100g牛奶拌匀。


2. 牛油和牛奶用細火煮熱,加入吉士液攪至杰身,


再逐少加入淡忌廉拌匀,放涼,放入唧袋內。


3. 酥皮餅切好後,唧上吉士忌廉,再放上芒果粒,再唧上吉士忌廉,
再放上酥皮餅再唧上吉士忌廉,再放上芒果粒,

    再重覆此步驟1次即成。


2013年1月30日 星期三

晚餐

 





 





5-1-2013當兩個囡見到煲鮑魚雞,未食已不停話:「正呀!正呀!」
薑汁芥蘭(全家至愛)
冬瓜豆卜雲耳鯪魚肉(全家至愛)
鮑魚雞煲(兩個囡至愛)

愛心亁貨海產


5-1-2013曾太話多謝我上次幫忙整cheese cake和木糠布甸,竟然送左蝦乾和魷魚比我,真係太客氣啦!講真究竟呢啲蝦乾可以點食法,我真係唔知!有無人可敎敎我呀!

肉醬通心粉

 







4-1-2013今晚樹熊和PauI仔約左我同老公去食雞煲!出門前煮左碟肉醬通心粉,再加多蟠桃和楊桃,我就同老公去happy啦!

2013年1月29日 星期二

仁愛堂狗狗栗子立體蛋糕

 






4-1-2013報左呢個狗狗栗子蛋糕班,栗子蓉較挺身,唧起上黎好辛苦,今次我比自己隻狗狗50分,因為我完全無聽書,唧錯晒方向,好肉酸!雖然唧得核凸,但個蛋糕係好味架!另外3隻係坐隔離的同學作品!

晚餐

 



 


3-1-2013老公今晚約左阿褀、阿友、阿朋和雞批食飯,我地三母女自己開餐!
蒜蓉粉絲蒸鮮魷(全家至愛)
蒜蓉菜心(細囡至愛)
豉汁蒸排骨(三母女至愛)