2013年4月30日 星期二

南瓜洋蔥薯仔湯



19-4-2013開左盒淡忌廉整雪糕,仲有成大半盒係雪櫃,唯左要消殲佢,就攞黎整南瓜忌廉薯仔湯啦!懶醒學人拉手,拉到連我自己都唔知似乜…………

仁愛堂開心滋味烘焙班笫2堂

 


19-4-2013今堂學整豬肉酥卷,其實整酥皮一點都不難,只是較花時間。酥皮啲誘惑真的令人難以抗拒,配上豬肉餡,既香又鬆,大家睇下有幾多層酥皮,唔使講都知有幾鬆啦!另外Amy送左罐泡菜和朱古力模比我,多謝Amy……
 


蛋白布丁(附加食譜)


18-4-2013見整雪糕淨左2隻蛋白係度,就攞黎整蛋白布丁啦!又香又滑,細囡超愛吃!

2013年4月29日 星期一

蕃薯雪糕(附加食譜)


18-4-2013天氣熱雪糕機又可大派用場啦!今次我用上橙肉蕃薯,味道好香濃呀!食落仲有粒粒蕃薯肉,兩個囡都讚:「好味!」

蕃薯雪糕



材料:牛奶140g、淡忌廉180g、蛋黃2



砂糖65g、蕃薯茸125g



做法:

1.
蛋黃和砂糖坐熱水打匀。



2.牛奶叮至微熱,倒入蛋糊內拌匀。



3.淡忌廉打至7,倒入蛋糊內拌勻,加入蕃薯茸拌匀。



4.倒入雪糕機內攪拌35分鐘即成。



 





晚餐






18-4-2013唔知係咪熱氣,竞然係腋下生左粒大毒瘡,又紅又腫又痛,唯有揾老公幫我放膿,痛到我呱呱大叫,真係要食番個龜苓膏清熱解毒先得………
涼瓜豆豉鯪魚(老公至愛)
翠玉瓜雲耳牛丸(全家至愛)
麵豉醬芋絲蒸排骨(全家至愛)

晚餐





17-4-2013今日又去左大囡學校見社工,亦開始掌握到大囡驚的乜,黃姑娘建議講我地要逐步放手去遷就大囡的恐懼,希望大囡真的能自我控制……
清蒸紅鮋(三父女至愛)
蒜蓉白菜仔(全家至愛)
蕃茄雞翼(細囡至愛)


2013年4月26日 星期五

Marie蛋糕

 


17-4-2013今日一早去左神奇女俠屋企學整蛋糕,呢個蛋糕係整黎送比我大家姐架!在此祝願大家姐身體健康、工作如意、事事順利……………整定蛋糕同神奇女俠去左「八喜」食Lunch!
 
 

晚餐



16-4-2013今次細囡測驗我超忍得口,一句都無講過叫細囡温書,完全不聞不問任由她自由發揮,雖然唔知結果如何,至少唔會比細囡覺得我嚕嚕嗦嗦………
椰菜魚腐(細囡至愛)
瑤柱扒冬瓜(全家至愛)
土魷冬菇蒸肉餅(全家至愛)

愛心禮物


16-4-2013老公個客送左6箱出前一丁和一箱什果罐頭去車房,老公就拎左一箱出前一丁和2罐什果罐頭返黎,箱出前一丁睇怕都有排食!

2013年4月25日 星期四

芒果什果仁麵包



16-4-2013同大囡承諾左每星期都會有一次麵包出爐,希望我可以keep住呢份動力啦!用上新鮮芒果茸整食落特別健康!

晚餐@




15-4-2013你地睇下「小虎」將食淨嘅零食先勺住周屋走,然後就將啲零食收入床底,再不停用布遮住,「小虎」呢個動作笑死我地啦!
豆腐雞粒炒蛋(三母女至愛)
蒜蓉西蘭花(三母女至愛)
酸辣魚柳(全家至愛)

2013年4月24日 星期三

紅豆麻糬



15-4-2013見櫃有包麻糬粉係度,就加啲紅豆落去整紅豆麻糬,唔知係咪用牛油溶液關係,個麻糬唔夠挺身,不過味道就超得,入口唔甜又煙韌,三父女都大讚:「好食!」

2013年4月23日 星期二

阿佬Birthday BBQ Party























14-4-2013今日係姨甥仔阿佬生日,一行23人為佢慶祝13歲的大日子!而我除了整左菠蘿和芒果味大菜糕外,仲整左個路飛蛋糕。由中午2:00玩到凌晨12:30先散場,真係玩得好盡興!