2013年6月30日 星期日

香蕉朱古力慕絲蛋糕(附加食譜)



22-6-2013呢個蛋糕係整比工人姐姐阿Li架!佢至愛食朱古力同香蕉,一於將兩者混合為一就演變出呢個香蕉朱古力慕絲蛋糕啦!


香蕉朱古力慕絲蛋糕(6寸)



 



餅底:Oreo餅碎60g、牛油30g



 



朱古力慕絲材料 :



蛋黃1、暖牛奶90g、魚膠片6g 淡忌廉 230g朱古力(58%)120g(坐溶)
香蕉1隻切片



 



 



做法 :



1.先將餅碎加入已溶的牛油拌匀,倒入模內壓平,放入雪櫃備用。



2.打起淡忌廉7成放入雪櫃備用 



3.魚膠片浸軟備用。



4.蛋黃坐熱水打匀,再加入暖牛奶拌匀,



   加入坐溶朱古力和魚膠片入內拌勻,



   再入淡忌廉入內攪勻。



5.將1/3朱古力慕絲倒入後,再放上香蕉片,再倒上慕絲,再放上香蕉片,放入雪櫃雪至凝固即成。



 



  





送給朋友的禮物

 
送比補習姐姐HeIen的

送比朱姐的

送給細茵的


送比神奇女俠的

送比工人姐姐的


送比阿嫂的

送比大家姐的

送比細囡的

22-6-2013今日出左新蒲崗相熟嘅鋪頭買禮物送比朋友,埋單$8150!希望各位收到鐘意會啱用啦!

晚餐(附加食譜)



21-6-2013老公呢輪好忙,日日都收得好夜,個人又攰又無胃口!就整個水煮牛肉剌激下老公個味蕾啦!又辣又麻包老公開胃晒!另外食淨係雪櫃嘅咸肉糭炸香食,估唔到又大受歡迎!
水煮牛肉(老公至愛)
涼拌青瓜(細囡至愛)
脆炸咸肉糭(大囡至愛)




涼拌青瓜



材料:青瓜3



調味:魚露、生抽和蒜蓉各1湯匙、辣椒粉1茶匙、辣椒2



     鎮江醋、麻油、辣椒油和砂糖各1湯匙半



 





做法:



1.青瓜用牙擦擦淨,開邊去籽,切件,



  
用鹽醃20分鐘。



2.取出洗去鹽份,隔乾水分後,落調味拌勻,雪半日即可食用。






水煮牛肉



材料:牛肉(用生粉、生抽和生油醃)、蒜蓉、薑片、薯粉、芽菜、辣椒



調味料::醬包、豆辦醬2湯匙、八角2粒、上湯、紹興酒、生抽和鎮江醋各1湯匙、砂糖半湯匙



做法:



1. 芽菜墊底、放上薯粉、再放上牛肉備用。



2. 爆香蒜蓉和薑片,再下調味料煮至大滾,倒一半上牛肉面上,蓋上蓋焗2分鐘,



3. 再即刻淋上3湯匙大滾油,再焗1分鐘,再將餘下的汁料倒上,再上3湯匙大滾油,2分鐘即成。



 



 



 





2013年6月29日 星期六

Loso蛋糕

 

21-6-2013今日先同神奇女俠去食Lunch,然後再上佢屋企學整蛋糕!呢個蛋糕係整黎送比我二姐夫架!唉…以為隻手無痛就好番,點知唧唧下蛋糕又手痛,唔痛真係要長時間抖抖???

仁愛堂開心滋味烘焙班笫10堂

 
 
 

21-6-2013今日係最後一堂!今堂學整特濃朱古力蛋糕,呢個蛋糕好食但又係肥到爆的,淺嚐無妨,多食就怕怕啦!另外Amy送左罐黑松露醬和意粉比我,超級多謝Amy的心意!


晚餐



20-6-2013今日去老人院探太爺,姑娘個個都大讚佢乖左,仲話我地探得密佢仲曳!
酸豆角粟米肉碎炒飯(全家至愛)
韓式炒粉絲(三母女至愛)
腐乳通菜(全家至愛)
煎豬肉泡菜棒棒餃(全家至愛)

2013年6月28日 星期五

晚餐(附加食譜)


19-6-2013次次一整薯蓉細囡一定會在旁幫手,但亦一定係咁偷食!
芝士煙肉焗薯蓉(細囡至愛)
黑椒洋蔥豬扒意粉(全家至愛)
沙律(全家至愛)


芝士煙肉焗薯蓉



料:



薯仔 6  、煙肉5(切粒)牛油 1 湯匙  、淡忌廉30g



鹽、黑胡椒、什香草各少許、芝士碎



 



做法:



1.薯仔洗淨去皮,隔水蒸10分鐘至稔身,趁熱壓成茸。



2.煙肉爆香加入薯蓉內拌匀,再加上牛油、淡忌廉、鹽、黑胡椒和什香草拌匀,



  放入唧袋唧在盆上,再灑上芝士碎。



3.200度焗15分鐘即成。