2013年7月31日 星期三

蕃茄薯仔粟米鯻魚豬骨湯


17-7-2013炆完豬手食完後洗乾淨條骨用黎煲湯,一物二用超經濟!今次加入蕃茄、薯仔、粟米和鯻魚落去煲,啖湯超鮮味

晚餐



17-7-2013老公唔知食錯乜?個肚痛到不得了,我又急急陪老公去睇醫生,今晚餐餸整定老公無口福!扇貝7隻$24,係咪好抵食呢??
金銀蒜粉絲蒸扇貝(兩個囡至愛)
蒜蓉白菜仔(全家至愛)
黑椒洋蔥炆豬手(全家至愛)
蕃茄薯仔粟米鯻魚豬骨湯(全家至愛)

亞虎抵錫


好開心阿虎你真的講得出做得到,承諾今天幫我恢復運動正常,16日前嘅相全部都能顯示返出黎,真係唔該晒你呀!

晚餐(附加食譜)


 
















16-7-2013今日約左Bobo、Connie和AngIe去二家姐鋪頭買鞋買衫,多謝三位鼎力支持,大量入貨,在此要代二家姐向各人說聲:「多謝晒!」
煎雞軟骨餃子(全家至愛)
肉醬焗千層麵(兩個囡至愛)
椒鹽墨魚丸(全家至愛)

肉醬焗千層麵











 


材料 :免治豬肉、番茄 4個、洋蔥1個、千層麵、


         牛油1湯匙、蒜蓉1湯匙、香草碎、芝士片


 


醃料:生抽、麻油和生粉


調味料: 2碗、鹽 半茶匙、黑椒碎 1茶匙、茄膏半罐(可用茄汁3湯匙)


 


 


做法:


 


1.  豬肉加醃料醃勻,炒熟備用。


2.  洋蔥和蕃茄切粒。


3. 下牛油爆香蒜蓉和洋蔥,下蕃茄炒至軟身,


   加入豬肉和調味料入內煮至滾起,



   轉細火煮25分鐘至濃杰。



4.焗盤內先放上肉醬、千層麵和芝士片,重覆以上動作6,



   最尾層係肉醬、芝士片和香草。



5.220度焗25分鐘即成。



肉醬長通粉


15-7-2013今日我要去恭賀大家姐手袋喬遷之喜,出門前煮左個肉醬長通粉,再加多碟水蜜桃和南華梨,我就急急趕去火車站會合阿媽、老豆、阿哥和大姐夫搭車去石龍,新廠房地段和環境都好好,設施亦完善,在此恭賀「恒翔」生意興隆、客似雲來、貨如輪轉、財源廣進、大吉大利、一帆風順…………是夜在酒家延開7席,大家開開心心歡渡這夜!