2013年8月28日 星期三

我出發去華欣啦!

28-8-2013一陣就出發去華欣之旅五日四夜啦!回來再大家分享一切……………

黑椒豬扒飯


19-8-2013今晚用上AngIe送比我嘅黑胡椒鹽黎醃豬扒,啲豬扒好入味呀!無工人日子幾乎係煮碟頭飯多,老公話:「有菜有肉就可,不用太複習,簡簡單單就得!」亦係咁造就我煮懶人餸…………

2013年8月27日 星期二

薏米綠豆沙(附加食譜)



18-8-2013今晚同奶奶去左「農家菜館」食飯!尋日煲綠豆薏米水撈起左啲綠豆薏米渣放左係雪櫃,今日就加水1500mI、陳皮、冰糖和片糖落去,話咁快就有美味薏米綠豆沙食,奶奶邊食邊話:「好香…好好味!」想綠豆沙起沙一見綠豆殼浮起就要錨走,兼用慢火煲1小時以上……仲有用2樣糖煲的糖水特別香甜架!



薏米綠豆沙

 

做法:

1.陳皮浸軟刮瓤。

 
2.大火煲滾水,加入綠豆、薏米和陳皮蓋上蓋大火煲15分鐘,

   熄火焗半小時,再開大火煲15分鐘,下冰糖和片糖調味即成。



可可花生曲奇


17-8-2013叔仔一家對我的食物極之棒場,就整個可可花生曲奇比奶奶帶比叔仔食啦!呢款曲奇鬆化可口,相信佢地一定鐘意…………

17小時花生醬旋風吐司(附加食譜)





18-8-2013奶奶今日係深圳黎,我一早起床整定麵包招呼奶奶!搽上奶奶最愛嘅花生醬,奶奶一定鐘意!此吐司唯一美中不足係用上粗粒花生醬,攪到一切啲花生已跌晒出黎,下次要轉用幼滑花生醬先得!


17小時花生醬旋風吐司
 
種麵糰材料:
高筋麵粉200g、砂糖20g、酵母3g、花奶170g、黑芝麻15g

 

做法:
1.把材料拌匀,蓋上保鮮紙放入雪櫃冷藏17小時。
 
 
主麵糰材料:高筋麵粉120g、蛋1隻、砂糖35g、鹽3g.
酵母2g、牛油20g、幼滑花生醬

 

做法:
1.  把主麵糰所有材料(牛油除外)和中種混合搓匀,

再加入牛油搓至有薄膜。

 

2.  滾圓放盆內  再發酵40分鐘至2倍大。

 

3.   將麵糰排氣分割成2,滾圓後再鬆弛10分鐘

 

4. 將麵糰擀成長條形,塗上花生醬後捲起,

 

  再發酵40分鐘後,掃上蛋漿,

 

  180℃焗25分鐘即成。

 

2013年8月26日 星期一

綠豆薏米水(附加食譜)

 
 



















17-8-2013今晚我地一家四口、樹熊、PauI仔和大姐夫去左「牛一」烚下烚下……跟住就齊齊去新屋看看裝修進度,樓梯燈槽整緊,客厠洗手盆已整好,廚房枱燈已整,厠所已裝好洗手盆,大囡睡床已整好,細囡房燈槽整緊,主人房地櫃、睡床和飾物櫃整緊,套厠洗手盆已裝…………天氣又焗又熱,煲左個綠豆薏米水飲,既可祛濕解毒,又好飲!




綠豆薏米水

 
材料 :綠豆300g生薏米50g、洋薏米15g、水3L、冰糖

做法 :

1.生
薏米洗淨,浸水一小時。
2.水滾下綠豆入內煲10分鐘後熄火焗15分鐘至爆花, 馬上撈起綠豆,

  再下洋薏米和生薏米入內,轉中火煲多45分鐘,

  加冰糖調味即成。


窩蛋肉醬飯

16-8-2013為左令兩個囡係呢個暑假家務助理過得更充實,我盡量安排煮唔同餸菜,務求令兩個囡認識多些食物,學懂不同的洗切技巧,我習慣將蕃茄放爐上燒一燒,好易撕掉蕃茄皮的!希望她倆將來能入得廚房出得廳堂啦!今晚又係食碟頭飯,肉醬配乜都是美味的,簡簡單單三父女都食到大滿足!我嫲嫲敎落煮青瓜時刮出的襄和籽加少許砂糖拌匀,放雪櫃雪凍食好清熱架!不過虛寒人士不宜吃!