2013年11月30日 星期六

乳酪芝士包{湯種} (附加食譜)

 
 
 
 
 
 
 
8-10-2013見雪櫃有杯乳酪就黎到期,就攞黎整麵包啦!入面加片裝芝士,面上再鋪滿芝士碎,一出爐3父女已急住搶食,熱食咬落芝士溶架!yummy……………
 
乳酪芝士包
 
湯種材料: 高筋麵粉15g、水75g
做法: 將高筋麵粉和水加入煲內煮至杰身,放涼備用。
 
材料︰

高筋麵粉280g、砂糖35g、鹽4g、雞蛋35g、芝士碎

原味乳酪 140g、酵母5g、湯種、牛油30g、芝士片

做法︰
1.
將材料放機內(除了牛油和芝士片)搓匀。

2.
下牛油搓成薄膜狀。
3.滾圓蓋上保鮮紙發酵35分鐘,
  (至麵糰2倍大)

4.
將麵糰分份,滾圓,鬆弛10分鐘,
  包上芝士片,再發酵35分鐘,
  掃上蛋漿,灑上芝士碎,

  用180 度焗 15分鐘即成。
 

 
 


晚餐

 
 
 
 
7-10-2013今晚大囡要去同學屋企做專題研習,細囡又要緊密練習排舞,兩個都唔返黎食,得返我同老公撑抬腳,就炒個沙茶雞、磨豉醬生菜,再加埋生果,黃金梨、橙、恐龍蛋和蘋果仔,又完成一日工作啦!

2013年11月29日 星期五

紅石榴汁

 
 
 
 
 
 
 
 
 
 
 
6-10-2013今日全日都暈陀陀,又要麻煩老公買外賣!食飽就榨左個紅石榴汁比三父女飲,大囡超愛紅石榴的味道!

愛心手信

 
 
 
 
 
 
 
 
 
 
5-10-2013次次返親鄉下回程都要攞好多野走!大家姐買左啲自家製木瓜、特辣辣椒醬、即食栗子、黑芝麻和甘草欖比我,而姑媽就送左啲自家種雞蛋和買左啲米通和蜂蜜比我,在此多謝她們的心意!

2013年11月27日 星期三

哈蜜瓜汁

 
 
 
 
 
 
 
 
 
 
 
 
 
 
 
 
 
 
 
 
 
 
5-10-2013今日8:00起床,食過早餐就出發上山祭祖!天公造美天氣好好,各人誠心上香再燒上長長炮仗,就齊齊去食午飯,食飽再傾多陣偈就起程返香港,返到香港就去食刀削麵,食飽回家再來一人一杯哈蜜瓜汁,飽晒!
 
 

薑汁年糕(附加食譜)

 
 
 
 
 
 
4-10-2013昨夜突然又喉嚨痛又頭暈又忽冷忽熱,上床瞓一陣,越瞓越辛苦,急忙叫老公入房,老公一模我額頭就話:「好慶…發燒…」馬上同我去浸會睇醫生,一探熱已39.9度發高燒,姑娘即刻幫我貼退熱貼,經醫生診治係嚴重扁桃線發炎,因為我本身有藥物敏感,故此不能打消炎針,只能食抗生素治療,回家食完藥周身骨痛,好唔舒服,半夜仲上吐下瀉兼全身標冷汗和狂手震,嚇到老公成晚唔敢瞓陪住我!好彩今日起床已無咁辛苦,急急麻煩老公幫忙秤分量和攪粉,呢底薑汁年糕先能夠順利完成!點解病都要開工?咪就係今晚要起程返博羅拜山囉!之前應承左叔仔整薑汁年糕比佢品嚐,我唔想令人失望,辛苦都要頂硬上!
 
 
薑汁年糕

材料:糯米粉 160g粘米粉20g、澄麵 30g

180g片糖 150g、薑汁10g、橄欖油半湯匙

做法:

1. 片糖加水用細火至糖,放涼備用。

2.
粉類混合後,加入糖水拌勻至無粉粒。

3.
將粉漿過篩2,然後加入薑汁和橄欖油拌勻。

4.
倒入已抹油的盆內中火蒸1小時至熟透即成。
 


洛神花果醬

 
 
 
 
 
 
3-10-2013美味娘娘幫我買左2磅洛神花,一磅煲洛神花茶一磅整果醬!自家製嘅果醬又乾淨又美味!夾麵包和餅乾都咁好味!

2013年11月26日 星期二

洛神花蜜

 
 
 
 
 
 
 

 
 
3-10-2013今日約左美味娘娘和阿may係元朗食野!還要多謝美味娘娘幫我買左啲又靚又大又新鮮嘅洛神花,返到屋企即刻開工煲,話咁快就有得飲,雪凍加冰飲,好正呀!