2014年1月12日 星期日

紅豆啫喱

 
 

 
 

 

 
28-11-2013今日真係谷到一肚氣!明明話1:30送床褥黎,我1:00已回新屋等,點知收到電話改3:00-6:00我又等,等到6:30谷鬼氣打去問究竟幾時先到,司機話:「壞左車,應該要8:00-9:00先到…」我又等,但係就越等越忟,新屋又未有電視睇又無野食,係度乾等只係拾眼瞓,等到9:00還未到又打去催司機佢又話要10:00先到,老公收工返黎接我,知道床褥仲未送到兼我又肚餓到暈,即時話:「唔好等……」然後同我快快去食野,剛剛米線到枱電話就響,司機問路線點行去新屋,急急食完回家,點知又係要等,老公嬲到打比司機但無人接聽,老公好嬲話:「走…佢再打黎話今日太夜無人收貨,叫佢聽日再送黎…」我好忟話:「唔等都等左咁多個鐘,等多一陣啦!我唔想聽日又再等過…」卒之10:35到啦!搬貨時司機突然問老公:「唔該可唔可以幫手抬一抬呀?我一個人攪唔掂!」老公黑晒面問:「咁我仲使唔使比搬樓層錢你呀?」司機即時狂講對唔住,猛話自己都係打份工揾餐飯食,幫幫忙呀!」最後老公當然有幫啦!當我比搬樓層錢$120司機,司機話:「我收一半得啦!」之後老公話:「根本就唔應該比佢!」我話:「算啦!我做唔出唔比…」唉…今日足足呆坐等左9:30鐘,激死我啦!好彩出門前整左個紅豆啫喱,食完馬上透心涼,個人都即時平靜晒……
咁我

沒有留言:

張貼留言