2014年5月30日 星期五

晚餐







3-5-2014好忟,好谷氣!工人姐姐腸胃炎睇完醫生要食藥,竟然要求我比香蕉佢送藥食,佢話佢唔識吞藥,要放啲藥落香蕉度慢慢滑落喉嚨,我聽完唔知好笑定好嬲,36歲人仲好似bb咁食藥要人氹,我堅決唔比香蕉佢,一.你食我無問題,但你話將香蕉滑落喉嚨鯁到窒息點算呢?二.你巳經腸胃炎又嘔又痾,我比香蕉你食你仲痾不停!最終要出動大囡又掃背又氹先肯將藥食晒,我巳經好忟!跟住佢又話唔想食白粥,問我有乜比佢食?我話可以食通心粉,米粉和烏冬,佢話唔想食,再問我食辣麵得唔得?我即時發火問佢係咪唔想好番?腸胃炎食野要盡量清淡,我又堅決唔比佢食辣麵!然後佢又話手軟腳軟,問我可唔可以比佢休息,卒之佢由4點至10點都關上門無出來,到老公返佢就起床,老公叫姐姐快快食啲粥就食藥,老公仲叫姐姐以後放假係街食野小心啲,姐姐即時話佢食啲野好乾淨係食左我比佢包麵就唔舒服,聽到此句我即時無名火起,馬上拎包出前一丁比佢睇食用限期係無過期架!大大聲同佢講我唔會咁無人性比過期食物佢食,叫佢唔好再亂敢講說話,救命呀!點解我會請到一個咁嘅工人姐姐......
黑椒雞全翼{三父女至愛}
粟米雞絲意粉{全家至愛}
清炒椰菜{全家至愛}
鱆魚煎餅{兩個囡至愛}

4 則留言:

  1. 可唔可以轉過另一個呀,呢個姐姐好有問題呀???咁樣點同佢一齊生活呀...

    回覆刪除