2014年3月31日 星期一

砵仔糕(附加食譜)


 
 
 

 

 
 
 
2-2-2014今日年初三,就整個砵仔糕比老公食啦!食完肯定老公馬年必定賺個盆滿砵滿!赤口無去拜年,睇戲就係最好節目,先去醫肚,然後就去棒發哥場睇「賭城風雲」!
 
砵仔糕
材料:粘米粉100g 、澄麵10g、粟粉12g、馬蹄粉10g

 
大黃糖110g(切細粒) 、水425g 和紅豆適量

 


 
做法:
1.
先將紅豆洗淨,凍水下煲內煲至滾,轉細火煲20分鐘,

 
   不要開蓋再焗20分鐘至稔身。

 
2.125g水將粘米粉、澄麵、粟粉和馬蹄粉拌勻。

 
3.300g水加入片糖,用細火煮至糖溶,

 
   撞入粉漿內拌匀,隔篩。

 
4.將碗仔掃油,放入鑊內蒸1分鐘,倒入粉漿,

 
   再放上紅豆。大火蒸15分鐘即成。


愛心手信


 
 
 
 


1-2-2014大姑媽又送左啲自家種嘅菜心和荷蘭豆比我地,另外仲整左自家製嘅臘肉和客家板比我地!而二姑奶就整左好好味嘅糖環比我地,大姑奶則比左農場蛋 、角仔和甘草梅比我地!多謝晒各位的美意!

年初二

 

 

 

 

 

 

 

 

 

 

 

 

 

 

 

1-2-2014今日係年初二,7點多老公又聽到坐廁有聲,又跑落客廁睇,地下去水位又滲水出黎,天呀!又塞....新年流流又黎爆屎渠,我係邊度搵師傅整呀?而家真係頭痕啦!硬著頭皮晨咁早係咁打電話搵師傅,終於有師傅肯做,不過要$4000....但係要1:00才到!我同老公急急梳洗即刻出車房拜神開年,返到黎剛剛趕得切會合師傅,攪左3個鐘,師傅話:「而家我幫你通得好乾淨,一定唔會再塞。不過通完4日已經又再塞,一定係條渠有問題,如果再塞一定要用cctv落去照清楚先能搵出原因...」攪掂晒即刻起程返深圳同奶奶拜年,15個人竟然叫左22個餸,今年肯定大家一定豐衣足食!老公五姐弟妹難得聚首一堂,當然要拍照留念啦!
 

2014年3月29日 星期六

年初一2014

 

 
 

 

 

31-1-2014今日係年初一,黃宅在此祝各位馬年行大運,財源滾滾來,做生意就長做長有,生意興隆,讀書就學業猛進,精神爽利!