2014年5月30日 星期五

36小時金提子麥包




 

 







 


 
 
4-5-2014今曰同阿媽,大家姐,阿哥齊齊去探阿嫲兼飲茶,返到屋企搓定麵包做明天早餐,點知搓得包黎又唔願煮飯,今晚要食外賣啦!
 

晚餐







3-5-2014好忟,好谷氣!工人姐姐腸胃炎睇完醫生要食藥,竟然要求我比香蕉佢送藥食,佢話佢唔識吞藥,要放啲藥落香蕉度慢慢滑落喉嚨,我聽完唔知好笑定好嬲,36歲人仲好似bb咁食藥要人氹,我堅決唔比香蕉佢,一.你食我無問題,但你話將香蕉滑落喉嚨鯁到窒息點算呢?二.你巳經腸胃炎又嘔又痾,我比香蕉你食你仲痾不停!最終要出動大囡又掃背又氹先肯將藥食晒,我巳經好忟!跟住佢又話唔想食白粥,問我有乜比佢食?我話可以食通心粉,米粉和烏冬,佢話唔想食,再問我食辣麵得唔得?我即時發火問佢係咪唔想好番?腸胃炎食野要盡量清淡,我又堅決唔比佢食辣麵!然後佢又話手軟腳軟,問我可唔可以比佢休息,卒之佢由4點至10點都關上門無出來,到老公返佢就起床,老公叫姐姐快快食啲粥就食藥,老公仲叫姐姐以後放假係街食野小心啲,姐姐即時話佢食啲野好乾淨係食左我比佢包麵就唔舒服,聽到此句我即時無名火起,馬上拎包出前一丁比佢睇食用限期係無過期架!大大聲同佢講我唔會咁無人性比過期食物佢食,叫佢唔好再亂敢講說話,救命呀!點解我會請到一個咁嘅工人姐姐......
黑椒雞全翼{三父女至愛}
粟米雞絲意粉{全家至愛}
清炒椰菜{全家至愛}
鱆魚煎餅{兩個囡至愛}

香蕉合桃朱古力蛋糕



3-5-2014大囡個補習姐姐9月要去英國進修一年,只係幫大囡補埋呢次期考,大囡叫我整蛋糕請姐姐食,見有熟香蕉係度,就整個香蕉合桃朱古力蛋糕啦!

2014年5月29日 星期四

晚餐






2-5-2O14唉,要開飯時工人姐姐話嘔左3次,兼好肚痛,我急急比止嘔和肚痛藥姐姐食,老公一入門口又嗌肚痛又話肚痾左2次,食食下飯細囡又話好頭暈,食唔落飯...一餐飯5個人食變番2個人食,真係食知無味極之無癮!三扒兩撥急急同老公和工人姐姐睇夜診,又唔見$780..........
蒜芯火腩{老公至愛}
麻辣雞絲{全家至愛}
蒜蓉白菜心{全家至愛{全家至愛}
生菜牛丸鯪魚肉湯{全家至愛}

椰汁馬蹄露


 
 












1-5-2014今曰係五一勞動節,我地今晚去左{元朗}食越南野,呢間又抵食又好味,唯一係上枱較慢 ,回家就再來一人一碗椰汁馬蹄露,老公超like it..........

楊桃酵素

 
 
1-5-2014想浸酵素的我,今曰終於實行浸啦!期待14曰後的收成!

2014年5月28日 星期三

西瓜皮薏米水{附加食譜}

30-4-2014比工人姐姐激到面紅耳赤,見食完西瓜有西瓜皮係度,就攞黎煲凉水飲,加薏米和冰糖已經好好飲,此飲品能清心利尿,止渴降火,袪水腫...........
 

西瓜皮薏米水
材料 :西瓜皮530g、生薏米60g、洋薏米30g,水3.5L、冰糖
做法 :
1.生薏米洗淨,浸水2小時。
2.水滾下全部材料入內煲45分鐘,加冰糖調味即成。

晚餐







30-4-2014點解工人姐姐做錯事永遠都唔會講句{對唔住},淨係識不停解釋。我係工作時間准許工人姐姐外出2個半鐘,還約她4:00街市等幫我拎餸,,等左半個鐘還未見姐姐出現,打電話又無人聽,唯有打比大囡求助拎餸,到5:10分就收到姐姐電話,電話筒的人說:{我唔識你工人架!佢話佢唔知自己係邊?叫我問你係邊?}我即時話:{我係屯門新墟街市..}我再問嗰個人:{咁我工人而家係邊?嗰個人話:{係元朗合益街市...}我即刻話:{咁唔該你叫佢搭車返屋企呀....}我收線後已嬲到頭頂出煙。返到屋企仲見到姐姐係度煲電話粥,已經嬲上加嬲。放低餸後好聲好氣同姐姐講,如果下次聽唔明太太講乜,就要講唔明白,唔好不停講ok,ok知唔知,點知姐姐一副不耐煩面口話,知道,知道。跟住就話佢都唔想,又話佢明明聽到我話約係元朗等,發生誤會佢都唔想。佢唔出聲我可以當無事發生,一出聲即時撻著我,聲音提高8度喪鬧佢,我問佢我做好心放你2個鐘假,係咪我唔啱,仲有我從來無帶過你去合益街市買餸,你仲夠膽死話我話元朗,你見我同家姐拎住一袋二袋,無幫手不特止,仲係度講電話,你累我企係街市等你1個半鐘,你一句{sorry}都無講,咁係咪太太錯,太太同你講sorry好冇?點解係要比人鬧到一面屁先知驚?硬係要我發顛發嬲先知錯,唉,點解而家啲工人越黎越難教..........................

芝士焗肉醬意粉{全家至愛}
鮮果沙律{全家至愛}
吉列廣島蠔{三父女至愛}