蜜糖檸檬

14-7-2014係網上見到好多人整蜜糖檸檬,我又湊熱鬧試下整,三曰後就知結果如何!

晚餐

 

14-7-2014忙足一日,煮完飯坐低時腰痠背痛,而家想唔認老都唔得......



椰菜燒肉{全家至愛}
麻醬雞絲{全家至愛}
節瓜冬菇瑤柱粉絲{全家至愛}

芝士戚風

 

 

14-7-2014再黎多個芝士戚風招呼同學仔.....

哈蜜瓜大菜糕

14-7-2014再急急整個哈蜜瓜大菜糕比同學仔品嚐.......

涼拌八爪魚綠茶麵

12-7-2014大囡帶左3個同學黎屋企做project,原來各人未食晏,就整個涼拌八爪魚綠茶麵比佢地醫下肚.....

天山雪蓮蘋果水

 

 

 

 

 

13-7-2014出左去玩,今晚三父女要捱飯盒,好彩我出門前煲左天山雪蓮蘋果水,回來有得潤潤喉,加埋甘荀同煲份外香甜...

 

 

BLOG聚

 

13-7-2014今曰我,美味娘娘,金魚和Bonnie,去jenny屋企開大食會,多謝娘娘教我整糖醋麵,還要多謝jenny的熱情招待,又一新嘗試我學識飲白酒啦!玩到8:30老公黎接我就散bank啦!食足7個鐘,個口未停個笑,開開心心又過了一曰.....

 

晚餐

12-7-2014兩個囡迷韓星迷到暈,總之啲餸菜用親韓國醬料整,都一定大叫:{好好味....}

蒜蓉西蘭花{全家至愛}

韓式黑椒炆排骨{兩個囡至愛}

涼瓜雞柳{全家至愛}

維他奶燉蛋白

 

12-7-2014整雪糕淨左啲蛋白係度,就拎黎整維他奶燉蛋白,滑滑溜,正..

抹茶紅豆雪糕{附加食譜}

 

12-7-2014夏天一食冰凍嘅雪糕入口,總是透心涼!抹茶雪糕加上紅豆絕配呀!

 

 

抹茶紅豆雪糕

材料:牛奶150g、淡忌廉130g、蛋黃2隻

         砂糖55g、抹茶粉10g、紅豆

 

做法:

1.抹茶粉先用一半熱牛奶攪勻至溶。

2.蛋黃和砂糖坐熱水打匀。

3.牛奶叮至微熱,倒入蛋糊內拌匀,抹茶奶加入拌匀。

4.淡忌廉打至7成,倒入蛋糊內拌勻。

5.倒入雪糕機內攪拌35分鐘即成。

 

 



奇異果酵素收成

 

 

 

 

12-7-2014又到兩星期可收成啦!老公話奇異果酵素入口勁似白酒喎!

晚餐

 

 

 

 

 

 

11-7-2014兩個囡話想食pizza,就整個特厚批啦!我家喜歡食厚批,因為覺得薄批較脆口感覺較熱氣!今次係邊位包上芝士條,三父女大讚:{正.....}

蒜蓉小棠菜{全家至愛}

三色椒雞柳意粉{全家至愛}

薯餅{全家至愛}

pizza{全家至愛}