2014年8月31日 星期日

北海道3.7牛乳芒果布甸{附加食譜}


14-8-2014再整多個北海道3.7牛乳芒果布甸,又滑又香,相信班同學仔一定鐘意.....
 
 
北海道3.7牛乳芒果布甸

材料:
北海道3.7牛乳330ml、淡忌廉150g、魚膠粉10g、砂糖35g、水20g、芒果茸100g

做法:
1.北海道3.7牛乳加入砂糖用細火煮至糖溶。

 2.魚膠粉加水拌勻,倒入北海道3.7牛乳內拌勻,
  加入淡忌廉和芒果茸拌勻。
  
 3.放涼,倒入杯內雪至凝固即成。

   

 
 
 


焗藍莓芝士蛋糕{附加食譜)



14-8-2014細囡明天邀請同學黎屋企開大會,又要辛苦我啦!先焗定個藍莓芝士蛋糕,用上自家製藍莓果醬,希望大家食得開心!
 
 
焗藍莓芝士蛋糕{6}
{焗爐180度先預熱15分鐘}
 
餅底:消化餅60g、無鹽牛油溶液30
做法:轆碎消化餅,
      加入牛油溶液拌勻,
      倒入糢內壓平即成。
 
材料:忌廉芝士330g、砂糖75g、淡忌廉35
      雞蛋100g、無鹽牛油75
      雲尼拿油1/4茶匙、藍莓果醬
 
做法:
1.忌廉芝士坐熱水用中速打至軟身,
  分3次加入砂糖打勻。
2.雞蛋打勻,
  分2次用慢速加入忌廉芝士內打勻。
3.將無鹽牛油叮溶,
  加入芝士糊內拌勻。
4.加入淡忌廉拌勻。
5.再加入雲尼拿油拌勻。
6.將芝士糊倒入巳包上3層錫紙模內。
7.坐熱水先用180度焗10分鐘至上色,
  再轉160度焗30分鐘,
  再轉140度焗20分鐘至熟透,
  解開錫紙放涼,
  放入雪櫃雪過夜後,
  放上藍莓果醬即成。
 


藍莓果醬




13-8-2014見到街市有藍莓買又買黎整藍莓果醬,自家製既新鮮衛生,而且又美味!

2014年8月26日 星期二

2014年8月25日 星期一

晚餐




 

 

13-8-2014小虎又無端端喘氣成3分鐘,即刻通知老公趕返黎帶小虎去勝利道睇醫生,醫生話:{小虎4.55KG太肥以致氣管收窄兼發炎,馬上打消炎針等氣管不再脹大,還要食咳水,醫生建議小虎每曰只能食50g狗糧,原來8:00前睇平好多架!今日埋單$390.....隻儍豬食完藥乖乖跳入床覺覺豬.....
大豆芽辣肉碎{全家至愛}
蒜蓉菜心{全家至愛}
豉汁蒸魚雲{三父女至愛}
 

36小時黑芝麻牛奶包{中種}

 
 
 




13-8-2014唉...其實係我太仁慈,還是工人姐姐唔知足呢?自問衣食住行樣樣做到足,衣方面每個月買2件衫比姐姐,我唔要嘅衫和手袋又比姐姐,食方面我地食乜佢食乜,除左豬肉外,住方面自己一間80呎幾房,一個厠所獨立用,行方面我坐乜工具你都和我一樣,自問自己一定係一個好僱主,但你還是多多要求,放半曰假又要求我唔好扣你人工,你星期日唔放假又問我可唔可以比$200一曰你,又要求每日有2隻蛋食和2杯咖啡飲,又要求每曰開3個鐘冷氣瞓覺,又要求我提前一星期出糧比佢,又要求唔用潘婷洗頭水改為用沙宣洗頭水,又要求每天同個仔傾6次電話......你作出乜要求我都一一應承,但點解你一見我七月節係屋企燒街衣,你又嚇我話你比鬼攪,又話瞓覺有人掩住你個鼻抖唔到氣,點解你成日都話你見到鬼,你一以再再以三話我屋企有鬼,我真係大吉利是過你!鬼...鬼...鬼...根本隻鬼就係你自己,我完全唔明你嚇我對你有乜好處?既然講到似層層,我諗我間屋唔適合呢個工人姐姐住啦!呢次下定決心要登記過另一個姐姐啦!谷氣到暈,搓麵包洩下氣好過,整左個36小時黑芝麻牛奶包食好過.......
 

紅棗豆漿



13-8-2014係深圳飲過杯紅棗豆漿,係用呢款阿膠棗整的,今日我又學人整,好好飲呀!

班蘭棉花蛋糕

13-8-2014兩個囡明天要返學校補課,就整個班蘭棉花蛋糕比佢地做早餐,今次唔記得較時間製,過耐左攪到個面皺皮,好彩一樣好軟熟!

晚餐





12-8-2014近期愛上用普寧豆醬炒菜,既惹味又唔使放鹽炒....
雙瓜火腩{全家至愛}
粟米魚柳{全家至愛}
普寧豆醬炒椰菜{全家至愛}
豉油雞{全家至愛}

粉葛水{附加食譜}


12-8-2014煲左個粉葛水,又易入口,聽聞可清肝火解毒......
 
 
粉葛水

材料 :粉葛1斤,蜜棗10粒、水3L、冰糖

做法 :
1.粉葛洗淨切件。
2.水滾下全部材料入內煲1個半小時,加冰糖調味即成。
{清肝熱、喉嚨痛、生痱玆}

 

2014年8月23日 星期六

淮山芝麻糊


11-8-2014雖然整芝麻糊多工夫,又要浸米,又要炒芝麻,又要攪拌,又要過篩,又要煲,但出黎係好好味,三父女次次食親都讚不絕口......今次加埋健脾嘅准山,仲有益!

晚餐




 









 

 
 
 
11-8-2014今日同兩個囡先去{翡翠拉麵}食野,跟住同佢地買開學用品,大囡超慳家,話開學讀半年到無就畢業,堅持唔買返學鞋和運動鞋,只係買左2對襪,筆袋和書包,而書包要訂貨下星期先有得拎....
普寧豆醬炒通{全家至愛}
南瓜肉碎{細囡至愛}
蒜蓉蒸絲瓜{全家至愛}