2015年5月31日 星期日

芒果木瓜奶


 
 




 
28-5-2015今日唔知仲乜好頭暈,個人好唔舒服,今晚無煮飯又要食外賣,見雪櫃有個木瓜和芒果無人吼,加包奶落去整芒果木瓜奶,又好飲又有益!

愛心手信

28-5-2015鄰居吳生去華欣旅遊,買左以下手信給我們,多謝晒!

芒果珍多冰*******


 




 
 



 
 
27-5-2015今日大囡陪我返東門整指甲,回來夜了!今晚只好叫外賣食.....食飽就來一人一杯芒果珍多冰.......

環保酵素131


27-5-2015呢樽有雪梨、檸檬、蘋果和番石榴.....

2015年5月29日 星期五

班戟







27-5-2015因為呢堆野攪到後花園幅牆而家晚晚都有曱甴,一星期就要買1支剎蟲水,激鬼死我!叫老公同對面講,老公又話好難開口。我已到忍無可忍地步,今朝7:30就起床,對面未有人開工,我帶手套出盡九牛二虎之力將堆廢鐵逐塊逐塊推在地上,突然覺得自己好似女超人上身好勇!搞掂完懶得戚打比老公講:{我將全部廢鐵推返過去,而家一塊都無拍埋黎,我勁呢?}點知老公話:{你死梗啦!一陣人地開工見到實鬧死你....}聽完老公講又真的有少少怕,8:30見班師傅返黎又無出聲,總算過骨,yeah......心情好就整個班戟食......

 

電飯煲焗朱古力蛋糕

26-5-2015用電飯煲焗左個朱古力蛋糕比細囡明天做早餐......

晚餐




 

26-5-2015今睌呢碟芒果豬扒三父女聲讚:{好味....}
芒果豬扒{全家至愛}
黃芽白粉絲蝦米{全家至愛)
燒汁比目魚{全家至愛)
茯神益智仁百合豬骨湯 {全家至愛)

芒果河粉


 
26-5-2015見到$20有四隻芒果,就拎黎整芒果河粉啦!老公同大囡超愛吃!

2015年5月28日 星期四

環保酵素130


26-5-2015呢樽有橙皮、芒果皮、檸檬、木瓜皮和蘋果........

茯神益智仁百合豬骨湯

 
 

26-5-2015呢輪我又失眠啦!懶得搵中醫唯有煲湯水自救!呢個湯有茯神、玉竹、合桃、淮山、蜜棗、百合和豬骨......可治失眠和脾胃虛寒兼可安神健脾!
 

晚餐



 

25-4-2015隻龜唔知仲乜?今日大部份時間都伸到條頸好長,反應又好遲鈍,其實隻龜黎左咁耐都唔多願食野,地全家一早有共識,如發現佢不妥,就會將隻龜放回大自然池塘裏,食飽飯我地就隻龜去中央公園池塘裏,希望這裏更適合它生活,見它慢游我們便走,點知大囡超唔捨得,不停話:{佢會唔會死架?其他龜會唔蝦佢架?佢無野食會死架?}總之大囡就千萬個不放心.....
蒜蓉豆角{全家至愛)
薑蔥雞翼(全家至愛)
豆豉鯪魚{全家至愛)
燒汁墨魚嘴{全家至愛)
 

環保酵素129

 

25-5-2015呢桶有橙皮、檸檬、甘荀皮、火龍果皮、雪梨和番石榴......

2015年5月26日 星期二

48小時黑糖包

 


25-5-2015細囡仲有2星期就考試,補習姐姐思明一次要補3個鐘,梗係要整野招呼人家的胃啦!就整黑糖包,新鮮熬辣出爐,配上牛油,美味!