2015年12月30日 星期三

12月之星聚會















 















 

19-12-2015今日一行16人去左{泰軒}為12月之星主角我和朱仔慶祝生日。可能呢排個人唔開心,藉著今晚大家咁開心玩圍梅,我又乘機狂隊啤酒,輸都輸得開心,飲都飲得特別大啖.....老公成晚不停係旁邊昅住我玩,佢只在旁陪住我,不停問我:{係咪醉?唔好玩啦!返屋企啦!}
卒之玩到2點散場......老公係車不停問我:{有無飲醉酒?得唔得?要唔要嘔?}我話:{我乜事都無,我今晚好開心....}老公話:{我知啦!今晚笑得最大聲係你.....}我話:{原來對住班朋友係最真架?佢地唔會猜度我、唔會妒忌我......我點佢地都會咁錫我架!}老公話:{呢個世界最錫你的人係我,你開心我會更開心,你唔開心我會好擔心.....}就係咁我又係車度喪喊啦!老公同我講:{我地要活係自己世界裏,不要再理人家點睇我地,我地要-日比-日活得開心,好冇?}一落車我攬住老公話:{我應承你唔會再諗佢地點對我唔好,我每日只會想你有幾錫我就夠.....}攤落床已4點多,又累了老公陪我捱夜.....
 
 
 


晚餐





 
 
18-12-2015呢輪成日喊流眼淚,隻眼好似睇野差左,醒起之前係日本買左2樽藍莓青,係時候要補補隻眼啦!今日老公話想食煲仔飯又整大大煲比老公食,有牛柳、腊腸和排骨任君選擇.......
三寶煲仔飯{老公至愛)
雲吞魚蛋湯{全家至愛)
泡菜午餐肉炒年糕(細囡至愛)
 
 


2015年12月29日 星期二

桂花杏仁慕絲蛋糕


 
 
 
18-12-2015聽而囡話自己去尋開心,入廚房整野食我就最開心不過。整左桂花慕絲蛋糕
,不過細囡同老公就唔太鐘意,好彩鄰居徐太讚好味。其實杏仁陣味真係唔係人今鐘意架!我細個都好唔鐘意,係呢幾年先鐘意。

部隊窩


 
 

 
















 

 

 











 








17-12-2015每次都以為自己好堅強會放得低,點知又係喊不停。細囡見我不停喊,搭住我膊頭話:{我好嬲佢地成日咁蝦你....你唔好比佢地影響你,你係你,你係開心的人,點解要為佢地唔開心?任何人對你唔好唔緊要,最緊要我、家姐和爸爸對你好就足夠。亦因為我從小知道得太多睇得太多,所以我而家好驚斤斤計較的人。}細囡講完我又狂流眼淚,發覺細囡好生性同埋真係好錫我。大囡send佢呢3個星期的午餐和晚餐比我睇,大囡問我有無時間Face time?我話:[唔啦!]大囡問:{點解?}我話:{樣衰...}大囡即時話:{你喊?仲乜?}我話:{無事...}大囡話:{係咪咁對我先?有野唔比我知?}我忍唔往喊話:{點解個個都當我同爸爸係衰人?}大囡即時話:{由係佢地?算吧啦!心都灰晒,仲有乜咩好講?佢地將你生活上的事都拎黎比較,佢地已經係無聊人!佢地巳徑無晒思考能力和批判能力啦!佢地完全無諗過你幫過佢地乜野架啦!佢地無晒人性架啦!眼中淨係睇到個錢字,你再為佢地,佢地一樣咪講你、串你、妒忌你、憎你,你咪鬼理佢地啦!你唔好再為佢地流眼淚,唔好令自己死咁多腦細胞,以後對住佢地唔需要用最真摯一面,佢地假時你亦假,你諗住自己而家係屋企好幸福就夠,自己要去尋找開心,多搵朋友食飯傾下計學下野,同爸爸去多些旅行,咪再理佢地......}聽完大囡講真係覺得阿囡大個左好多,突然有老懷安慰的感覺。其實我真係有你地三父女愛錫已很足夠!尋晚打邊爐食淨野,今晚整個部隊窩再食埋佢.........