2016年7月24日 星期日

太爺上山啦!



















18-6-2016昨晚講好7點就要出發去飲茶,但人人都遲到,卒之7:30先出發,我巳好炆!講都無人信早茶15人飲左1千五佰幾蚊。點解?咪就係有人乜野都4碟6碟咁上,既然已叫多左,點解成日淨係識講:{咁多點食呀?咁多點食呀?但又唔幫口食,淨係識埋怨......}飲餐茶都飲到火鬼滾!上到殯儀館唔睇本帛金簿由之可,真係一睇就把鬼火,大姑奶同二姑奶竟然做$101帛金,本來$101絕對唔係問題,問題係太爺留落左2千幾蚊現金,尋日下晏係酒店一人分$100當太爺比大家的福蔭,咁即係出1蚊為太爺盡點孝心,我真係接受唔到自己孫女咁對個阿爺,好心痠!到見太爺最後一面也話:{呢的唔吉利架?}頭都不敢抬頭望太爺,看見咁我真係心傷,你地係孫女點可以咁對過阿爺,我呢個做孫新抱真係好卑視你地的行為。我想講又幾多人辦白事門口可掛紅燈籠和點紅蠟燭呀!太爺本身98歲,天地人各加多1歲就變成101歲,年過百歲人端先可以咁做,乜野都百無禁忌啦!我地做子孫家裏出個人端,就是我們子孫的福份,仲係度驚乜驚乜,全部都痴線架!到大殮時又唔同太爺講:{安心上路......}我已經超不滿,到食英雄宴又彈三彈四,又話咸又話太大碟....總之就樣樣彈,我真係忍無可忍,忍唔住話:{食就食,唔食就埋單走人,唔該咪再咁多野講......}點知二姑奶繼續話:{咁多點食得晒?}我話:{根本15人係度,淨係得8個人食野,你地淨係講野唔食野....}二姑奶仲話:{唉呀,我細食架!}咁我話:{咁咪得囉!你細食咪唔好食囉!}即時全場靜晒,老公不停摸住我大脾,大囡就在旁不停低頭話:{冷靜,冷靜........}點解我唔可以冷靜?因為今次太爺的身後事,全部都係我去攪,由領死亡證、揀棺木、壽衣、訂酒店、酒席和領遺體都係我去辦,我知如果老公攪佢地一定唔會彈三彈四..............即時我問老公:{我係咪過份左?佢地應該對我有微言....}老公話:{你諗多左啦!大家都知你辛苦,總之我覺得你無錯就得啦!唔媽再亂諗野啦!}唔知點解總係覺得太過激動,過左火位.....................

沒有留言:

張貼留言