2016年9月27日 星期二

肉鬆吐司





17-8-2016回家又再教大囡整吐司,焗完出爐我同大囡已經忍唔住一人食左一塊,老公突然話:{呢幾日好多麵包食呀!}我問:{咁你鐘唔鐘意呀?}老公話:{只要係你整,屎我都會照食...}跟住我攬住老公話:{核鬼凸...}大囡突然話:{唔該,你倆個唔好成日攪到我毛管戙啦!究竟你倆個成日咁卿卿我我厭唔厭架?}我地反問大囡:{你話呢?}跟住我地兩公婆又咀對咀....大囡反白眼話:{唔該你地放過我啦!我知我第日都會有個好錫我的老公......我都會好恩愛,唔該唔使成日做比我睇....}我地一家人就係咁,毫無避忌亦毫無秘密!

沒有留言:

張貼留言