2016年1月29日 星期五

粟米豆腐魚肚羹

 
12-1-2016細囡話我:{你就好啦!又同爸爸去風流快活,賴底我一個孤伶伶....}知我去東京玩細囡一定無啖好食,煲細囡至愛粟米豆腐魚肚羹黎比佢開心下........

川貝蜜糖燉雪梨


11-1-2016老公唔知仲乜好咳,仲有3日出黎去東京玩,拿拿林整個川貝蜜糖燉雪梨比老公飲先得......燉好微暖才加入蜜糖完全唔苦,老公連飲2碗先上床休息.....

晚餐





11-1-2016大囡要搬屋啦!寄宿家庭Tracy同大囡講不能再繼續照顧大囡,原因係佢搵到真愛要好好把握,佢要兼顧男友兩位女兒,所以照顧唔到大囡和她的同房同學。當大囡知道時不知幾開心,大囡好尷尬話:{以後唔使再聽到佢地兩個滋擾的聲音....}我問大囡:{乜聲音?}大囡笑住話:{我唔想聽到的聲音...可能佢地太開心太忘我...完全忽略左佢同同房存在...每次我同同房聽到都會即刻帶耳塞...}完全無估到大囡除了要面對學業外仲要面對以上問題,4個月裏大囡搬第3次屋啦!我同老公都覺得對大囡有得著,第一次同房係荷蘭妹,第二次同房係西班牙妹、第三次同房係法國妹,大囡係短時間內學懂與人相處,知道更多人家的生活文化,的確係好寶貴......
蘿蔔炒鯪魚肉{全家至愛)
芥蘭炒腊腸(全家至愛)
豆豉炒油麥菜(全家至愛)
苦瓜炒蛋{全家至愛)


香蕉朱古力戚風



11-1-2016細囡今日開始考試,就焗個香蕉朱古力戚風比佢做下午茶,等佢越溫越精神......

2016年1月28日 星期四

焗蕃薯


















10-1-2016今日Candy又黎屋企做水機示範比阿哥、阿媽和細佬睇,見有蕃薯係度就整焗蕃薯比大家食,個個都大讚:{好正.....}侄仔7個月大超得意,我又忍唔住狂搣倥隻豬脾仔。晚上去左{大榮華}食豬油撈飯,回家收到大囡電話話比人偷左部電話。事緣大囡係快餐店同一位同學一齊食年餐和做功課,突然有個女仔頸掛住工作證,手楂住個捐款箱,個女仔手拿上一疊資料放上檯比大囡睇,叫大囡做伍亳子英磅善事幫幫有需要的人,個女仔煩擾左大囡好幾分鐘,大囡怕了她無奈地從銀包拎伍亳子入落捐款箱做善事,個女仔不停同大囡鞠躬多謝,跟住就拎番起檯面疊資料走。大囡見到個女仔急急推門奔走過對面馬路,然後上左架私家車離去,大囡覺得好奇怪,點解咁急於走?此時大囡先發覺檯上電話已不見了,大囡馬上去警署報案,人在異地乜都要靠自己,突然覺得阿囡成長了!大囡同老公講:{對唔住,佢話累老公唔見錢...}老公話:{唔緊要,唔見電話好閒,最緊要個人無事。}大囡問老公:{爸爸你有無怪我蠢?}老公話:{儍妹,每個人都有大意的時候,況且人地係有預謀和策略,此終防不勝防,經過呢次你要學譏經一事長一智,以後電話不能放檯上啦!}跟住大囡話我唔鬧佢佢好唔舒服,我馬上送上兩個字比佢就係{衰女},我問大囡:{滿意未?}大囡即時笑晒口話:{安樂晒!}不過大囡自己好唔開心,因為有好多相片和資料無晒!

馬蹄麥米粥

 




 


 
 


 


 
9-1-2016今日老公收早先陪我去買床單,四套$2595,然後再陪我買粉底和護膚品,跟住去左海皇食粥。老公咁乖陪我買野,我又陪佢去波鞋街買波鞋,今晚晚餐去左食煲仔飯....回家再來飯後甜品馬蹄麥米粥,正呀!








蕃薯年糕



 
9-1-2016第二款出場賀年糕點係蕃薯年糕,本人覺得紫薯年糕較好味.......明年都係整紫薯年糕好過.......

2016年1月26日 星期二

桂花紅棗燉花膠@



 


 
 
 


 
 
8-1-2016老公尋晚摸到小虎肋骨位一粒野,嚇得我成晚好擔心睡不好。下午老公提早收工帶小虎去旺角睇醫生,醫生話係脂肪瘤要抽組織化驗,好彩無事總算鬆一口氣。雞批黎左幫吸下渠位兼倒左2支漒水入內看看如何.....小虎同渠位總算放心,就同老公齊齊去剪髮秒染髮,今晚又要食外賣,整左個桂花紅棗燉花膠做飯後甜品滋補下...