2016年2月29日 星期一

駿憶公司請食團年飯


 


 
 
24-1-2016今日先去大頭舅丈度還神,跟住就趕去根老板駿憶公司請食團年飯。多謝根老板特意為我帶來好飲的白酒,今年第二餐團年飯,陸續有團年飯食.....

瑞新公司請食飯




23-1-2016今晚老表公勻瑞新公司請食團年飯,今年第一餐團年飯開始啦!

北道牛乳雪糕


23-1-2016雞批今日又黎執手尾,我整左北道牛乳雪糕比佢品嚐......

椰汁燉花膠邊

 

22-1-2016今日咁鬼凍,梗係要整椰汁燉花膠邊同細囡滋養下啦!

晚餐




 

22-1-2016今日超凍呀!老公架車都凍到結霜。今晚個燒汁蝦細囡食到啜晒手指.........
蒜蓉西蘭花{全家至愛)
酸豆角冬菇肉碎(全家至愛)
魚片炒蛋{全家至愛)
燒汁蝦{全家至愛)


2016年2月28日 星期日

晚餐


 
 
 
 


 



 

 




21-1-2016今日雞批黎裝花園玻璃,順便幫我睇下去水位,諗來諗去都諗唔明問題發生係邊,雞批就嘗試拉淵仇糞蓋睇睇,一睬當堂嚇一跳,原來化糞池滿到上頂,但我去年7月11日先吸完,無理由半年就滿?自己真係心感疑惑,但都call吸糞公司黎清理。跟住阿祺黎幫兩個囡換燈,兩個囡都嫌水晶燈靚但就唔夠光,老公一早去買左兩盞燈番黎,早兩日我發現後花園總係有陣尿味,於是我同阿祺講,唔講由之可,一講原來絛屎渠整條裂左,原來後花園有少些下陷扯到條渠裂左,好彩經維修後無事。終於等到吸糞車黎,師傅話糞便只得3-4cm,點解會升到頂?兼且點解會有咁多水?師傅都覺得奇怪,到吸污水個井師傅問:{你地用好多水架?我好小見污水井會有咁多水......}明明見師傅吸到井底無晒水,但比我發覺井牆身不停有水滲出,馬上通知雞批睇睇,雞批話應該出面污水渠有問題,嗚嗚.....即係仲未搞掂問題,而家可用住,但過完年一定要整過,煩死人啦!
蒜蓉白菜仔{全家至愛)
西芹炒班瑰{全家至愛)
芽菜炒豆卜{全家至愛)
煎班蘭椰汁年糕(全家至愛)

 
 

2016年2月27日 星期六

小虎6歲生日

 
 
 
 
 
 
 
 
 
 
 

 
 
 

 
 
 

 
 
 

 
 

 
 
 
 
20-1-2016今日係小虎6歲生日,不經不覺我呢隻寶貝仔6歲啦!媽咪祝你要身體健健康康,繼續人見人愛,每日依舊為食兼笑料百出,給我們帶來無比歡樂.....